Баһылык Роман Дмитриев аатынан кытыл уонна куорат сөтүөлүүр сирин өрөмүөнүн билистэ
![Баһылык Роман Дмитриев аатынан кытыл уонна куорат сөтүөлүүр сирин өрөмүөнүн билистэ](https://kiinkuorat.ru/wp-content/uploads/2024/06/VDeOXBBexR.jpg)
Куорат баһылыга Евгений Григорьев Р.М. Дмитриев аатынан кытылы кытта куорат сөтүөлүүр сирин хапытаалынай өрөмүөннэрин хаамыытын билистэ.
«Главстрой» МХТ салайааччыта Алексей Варламов иһитиннэрбитинэн, Р.М. Дмитриев аатынан кытыл уопсайа 1,14 км усталаах, мантан 374 м куорат сөтүөлүүр сирэ ылар.
Бырайыак быһыытынан кытыл устун сатыы хаамар, бэлисипиэтинэн сылдьар миэстэ оҥоһуллаллар, сырдатыы, көҕөрдүү үлэтэ ыытыллар. Ыскамыайкалар, бөх ууруналара, хачыаллар, тренажердар баар буолуохтара. Сөтүөлүүр сиргэ эмиэ сатыы, бэлисипиэтинэн сылдьар сирдэр, дьоҕус архитектурнай оҥоһуктар, суунар, атах сайҕанар сирдэр, туалет көрүллэллэр.
Хапытаалынай өрөмүөн уулусса-суол ситимин, бордюрдары, оптуобус тохтобулларын, уот остуолбаларын, суол бэлиэлэрин туруорууну о.д.а. барытын хабар. Хабаров уулуссатыттан тыы ыстаансыйатыгар диэри 1134,8 м усталаах уулусса кэрчигэ барыта өрөмүөннэнэр. Кытыл устун итиэннэ массыына туруорар миэстэ оҥоһуллар.
Бу күннэргэ дьоҕус архитекторнай оҥоһуктар, тимир тэриллэр, билиитэ, модульнай тутуулар о.д.а. сакаастанан тураллар.
Евгений Григорьев ыытыллыбыт үлэни кытта билсиһэн баран, кэлэр нэдиэлэттэн куорат сөтүөлүүр сирэ аһыллар кыахтааҕын, ол эрээри кытылы тутуу, тупсарыы үлэтэ аны күһүҥҥэ диэри салҕанан, балаҕан ыйыгар Куорат күнүгэр үөрүүлээхтик арылларын бэлиэтээтэ, диэн иһитиннэрэр Олохтоох дьаһалта пресс-сулууспата.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)