15.07.2021 | 13:00

Баһылык итирдэр утахтары атыылыыр быраабылаларга сыһыаннаах этии киллэрдэ

Баһылык итирдэр утахтары атыылыыр быраабылаларга сыһыаннаах этии киллэрдэ
Ааптар: Киин Куорат
Бөлөххө киир

Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ. 
Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр дьон ортотугар иккис миэстэҕэ, дьахталларга – бастакы миэстэ буоларын эттэ. 
«Саха сиригэр коронавирус дьаҥын пандемията саҕаланыаҕыттан 804 киһи өллө. Арыгы содулуттан сылтаан сыл ахсын 300 киһи өлөр. Өлүү 22%, буруйу оҥоруу  50% итирдэр утахтары кытта сибээстээх. Ити 90% - өлөрүү уонна  70% доруобуйаҕа хоромньу», - диир Евгений Григорьев.
Кини итирик туруктаах буруйу оҥоруу ахсаанынан биһиги өрөспүүбүлүкэбит Арассыыйа уон регионугар киирэр диэтэ. Итини таһынан экэниэмикэҕэ уонна үлэ көрдөрүүтүгэр охсуулаах буоларын бэлиэтээтэ.
Евгений Григорьев арыгыттан психозтаабыт дьон уонна социальнай өттүнэн кутталлаах балаһыанньаҕа олорор дьиэ кэргэн, ону тэҥэ итирик туруктаах дьонтон сылтаан тахсар суол быһылааннара элбээбиттэрин туһунан эттэ. Кини 2021 сыл 4 ыйын түмүгүнэн ыарахан буруйу оҥоруу ахсаана элбээбитин бэлиэтээтэ. 
«2013 сыл 316 №-дээх «Об утверждении границ, перечня организаций и объектов городского округа «город Якутск», на прилегающих территориях которых не допускается розничная продажа алкогольной продукции» диэн уураахха уларытыы киллэрэр кыахтаахпыт. Өрөспүүбүлүкэ сокуонунан – ити Ил Түмэн Судаарыстыбаннай мунньах үлэтэ. Ол эрэн, биһиги итиннэ кэккэ этиилэрдээхпит», - диэтэ баһылык.
Итини таһынан Евгений Григорьев куоракка итирдэр утахтары атыылыыр «сымыйа» кафелар баалларын бэлиэтээтэ.
«Дьокуускайга кинилэри ааттарынан билэбит. Ити 94 «сымыйа» кафе, аҥаардара Промышленнай уонна Сайсары уокуругар бааллар. Итирдэр утахтары атыылыырга көҥүл биэрэр лицензия үс сыл иһигэр 373-тэн 454 диэри элбээбит. Саха сиригэр 2020 сыл иһигэр арыгынан эргинэр биисинэс дохуота миллиард аҥаара солкуобай кэриҥэ үрдээбит», - диир кини.
Оҕо, медицинскэй уонна спорт эбийиэктэриттэн итирдэр утахтары атыылыыр сирдэр 100 м тэйдэхтэринэ, быһа холоон 28 пиибэ атыылыыр туочука үлэтин тохтотуо диэн этэр Евгений Григорьев.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...