Баһылык дьаһалыгар уларыйыы киирдэ

Дьокуускай куорат дьаһалтатын 2021 сыл ыам ыйын 14 күнүнээҕи 933 №-дээх   «Дьокуускай куоракка 2020-2021 сыллардааҕы оттук сезона түмүктэнэрин туһунан» дьаһалга куорат баһылыга Евгений Григорьев уларытыылары киллэрдэ. 

РФ Бырабыыталыстыбатын 2011 сыл ыам ыйын 6 күнүнээҕи 354 №-дээх   «Элбэх кыбартыыралаах уонна олорор дьиэлэр бас билээччилэригэр уонна ити тутуулары туһанар дьоҥҥо коммунальнай өҥөлөрү оҥорор туһунан» уурааҕар уонна РФ Энергетикаҕа министиэристибэтин 2003 сыл  кулун тутар 24 күнүнээҕи 115 №-дээх  «Сылааһы биэрэр энергоустановкалары туттуу быраабылатын бигэргэтии» бирикээһигэр  олоҕуран, олорор дьиэлэргэ, тэрилтэлэргэ, социальнай, культурнай уонна бытовой хабааннаах тутууларга нуормаҕа эппиэттиир микроклиматы хааччыйар сыалтан Дьокуускай куорат территориятыгар оттук сезона олорор дьиэлэргэ уонна  муниципальнай орто үөрэх тэрилтэлэригэр ыам ыйын 20 күнүттэн, оттон оҕо уһуйааннарыгар, поликлиникаларга, ыарыһахтар сытар балыыһаларыгар уонна обсерваторга бэс ыйын 1 күнүттэн түмүктэнэр буолла.