Баһаарынайдар эриэйдэлэри ыыталлар

Дьокуускай куорат ГО уонна ЫБМ управлениетын чахчытынан, «ИСДМ-Рослесхоз» ыраахтан кэтээн көрөр систиэмэ ыам ыйын 13-14 күннэригэр куорат территориятыгар 8 айылҕа баһаара баарын быһаарбыт. Ону сэргэ ыам ыйын 6 күнүттэн ыам ыйын 29 күнүгэр диэри куорат таһынааҕы тыаларга уопсайа 22 га 245 кв. м иэннээх сиргэ 31 уот бэлиэтэммит --  хаппыт от, бөх умайыыта, өрт уота о.д.а. Бэлиэтэммит уот барыта патруллуур, баһаарынай сулууспалар күүстэринэн умуруоруллубут. 
Олохтоох дьаһалта 2017 сыл ыам ыйын 3 күнүнээҕи 110п №-дээх «О создании патрульных, патрульно-маневренных, патрульно-контрольных групп на территории городского округа «город Якутск» уурааҕынан уонна ГО уонна ЫБМ кэмитиэт 2023 сыл муус устар 7 күнүнээҕи ПР-КЧС-10 №-дээх быһаарыытынан нэдиэлэ аайы нэһилиэнньэ маассабай мустар сирдэригэр эриэйдэлэр ыытыллаллар: Покровскайдыыр суол 16 - 25 км/км, Намныыр суол 14 - 22 км/км, Табаҕа тумуһаҕа, Көтөр фабриката, Маҕанныыр суол 7 км Маҕан бөһүөлэгэр диэри, Намцыр трага, Кангалаас тумуһаҕа.
Ыам ыйын 6 - 29 күннэригэр патруллуур-хонтуруоллуур сулууспалар уопсайа 9 эриэйдэни ыытан, 726 инструктаж аахпыттар, 232 иһитиннэрии листовканы тарҕаппыттар, РФ КоАП 20.4 ыст. 1 ч. административнай буруйу оҥоруу туһунан түөрт боротокуолу толорбуттар.