25.02.2021 | 13:43

Баһаары сэрэтии үлэтэ күүһүрүөхтээх

Баһаары сэрэтии үлэтэ күүһүрүөхтээх
Ааптар: Киин Куорат

Дьокуускай куорат баһылыгын эбээһинэһин толорооччу Евгений Николаевич Григорьев киин куорат олохтоохторун ыйытыыларыгар хоруйдуур.

— Евгений Николаевич, куорат олохтооҕо Василий Зырянов киллэрбит этиитинэн Дьокуускайтан Төхтүр турбазатыгар тиийэ оптуобустар сырыылара олохтонор буолбутун туһунан хаһыаппыт ааспыт нүөмэригэр кэпсээбитиҥ. Расписаниеларын, хантан баралларын ааҕааччыларбыт билиэхтэрин баҕараллар.

– «Биһиги куораппыт – биһиги идиэйэлэрбит» диэн ыҥырыыбар дьон көхтөөхтүк кыттыбыта — элбэх этии киирдэ. Онтон биирэ номнуо туолла.  Ол курдук, олунньу 21 күнүттэн «ЯПАК» тэрилтэ саҥа маршруту биллэрдэ. Куорат олохтоохторо Төхтүр базатыгар оптуобуһунан сылдьар кыахтаннылар.

Оптуобустар өрөбүл күннэргэ 203-с микрооройуонтан  9:00, 11:00, 14:00 чаастан бараллар. Оттон Төхтүртэн 12:30, 15:00, 19:10 чаастан төннөллөр. 

Маршрут уопсайа 10 тохтобуллаах:

-203-с микрооройуон

-202-с микрооройуон

- “Киин” киинэ театра

-Ленин болуоссата

-Доҕордоһуу болуоссата

- “Триумф” киин

-Крансервис

-Владимировка

-Төхтүр нэһилиэгэ

-"Төхтүр" спорт, сынньалаҥ комплекса

Төлөбүрү уу харчынан эрэ ылаллар диэн иһитиннэрэбит. Айан төлөбүрэ – 150 солкуобай.

– Биһиги дьиэбитигэр баһаарынай сигнализация баар эрээри, үлэлээбэккэ таах турар.

Светлана Ковалевская

– Дьиэни салайар хампаанньа анал тэрилтэни кытта дуогабар түһэрсиэхтээх. Оннук гыммат түгэнигэр, СӨ Тутууну уонна дьиэни-уоту кэтээн көрүү судаарыстыбаннай управлениетыгар үҥсүҥ.

– Сыл саҥа саҕаланыаҕыттан хас да дьиэ умайда. Оннооҕор киһи өлүүлээх түбэлтэлэр таҕыстылар. Куорат салалтата бу кыһалҕаны хайдах быһаарыай?

Прокопий

– Баһаары сэрэтэр үлэни салгыы ыытыахха, мас дьиэлэргэ анал сигнализациялары туруортуохха наада.  Ону таһынан, куоракка, чуолаан кытыы чаастарга баһаарынай подразделениелары күүһүрдүөхтээхпит. Бу үлэ олус наадалааҕын Маҕаҥҥа икки оҕо тыына быстыбыт быһылаана көрдөрдө.

ГДЗС (газодымозащита) сулууспатын идэтийбит үлэһиттэрэ наадалар. Кинилэр баһаарга буруолаах сирдэри чинчийэр эбээһинэстээхтэр. Стандарт быһыытынан, ГДЗС звенота кырата үс киһилээх буолуохтаах. Сменанан солбуһа сылдьан үлэлииллэрин учуоттаан, биир баһаарынай чааска 15 киһиттэн аҕыйыа суохтаах.

Соторутааҕыта Арассыыйа ЫБММ Саха сиринээҕи салаатын начаалынньыгын бастакы солбуйааччыта Виталий Немцовтыын кэпсэппитим. Кулун тутар ыйга Арассыыйа миниистиригэр Дьокуускай куорат баһаарынай чаастарын тиэхиньикэнэн уонна үлэһиттэринэн эбии хааччыйар туһунан боппуруоһу көтөҕүөхпүт.

Маны сэргэ, Виталий Михайловичтыын халаан уутун туһунан уонна баһаарга ордук кутталлаах ыйдарбытын ырыттыбыт. Сэрэтэр үлэлэри быйыл эрдэ саҕалыахпыт диэн сүбэлэстибит.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...