24.02.2022 | 14:00

«Баһаары сэрэт – АДПИ туруор!»

«Баһаары сэрэт – АДПИ туруор!»
Ааптар: Киин Куорат
Бөлөххө киир

«Баһаары сэрэт – АДПИ туруор!» диэн техногеннай баһаардары сэрэтэр хайысхалаах социальнай аахсыйаны 2022 сылга нэһилиэнньэ олоҕор куттал суоһаабатын хааччыйар Судаарыстыбаннай кэмитиэт бэрэссэдээтэлэ Дмитрий Лепчиков саҕалаата. Кини баһаары сэрэтэр тэрили киин куоракка олорор элбэх оҕолоох Артемьевтар дьиэ кэргэттэригэр туруорда. Бу туһунан биэдэмистибэ пресс-сулууспата иһитиннэрдэ. 
«Баһаары сэрэтэр курдук «Баһаары сэрэт – АДПИ туруор!» аахсыйабытыгар гражданнары кытталларыгар уонна дьон олорор секторыгар баһаары сэрэтэр үтүө дьыалаҕа бэйэлэрин кылааттарын киллэрэллэригэр ыҥырабын», – диэтэ кини.
Лепчиков эстафетаны салгыы ОДьКХ уонна энергетика миниистирэ Вячеслав Емельяновка, Булуҥ улууһун баһылыга Афанасий Андросовка уонна Судаарыстыбаннай баһаары утары сулууспа начаалынньыга Руслан Босиковка туттарда.
Санатар буоллахха, «Баһаары сэрэт – АДПИ туруор!» аахсыйа 2021 сылга саҕаламмыта, итиннэ 750-тан тахса олохтоох кыттыбыта. Бырайыак чэрчитинэн Саха сиригэр барыта 1850 АДПИ – элбэх оҕолоох ыалларга, соҕотох олорор саастаах гражданнарга, доруобуйаларынан хааччахтаах дьоҥҥо уонна уустук балаһыанньаҕа киирбит ыалларга туруоруллубута.  
Быйылгы аахсыйа Саха АССР төрүттэммитэ 100 сылыгар анаммыт «2022 сыл 22 бастыҥ көҕүлээһинэ» бырайыак, ону тэҥэ СӨ Госкомобеспечение тэриллибитэ 10 сылын уонна Саха сирин баһаарынай охранатын 205 сылын чэрчилэринэн ыытыллар. 
АДПИ (Автономный дымовой пожарный извещатель) – кыра да умайыы сибикитэ баар буоллаҕына улаханнык тыаһаан биллэрэр тэрил. Инньэ гынан түүн да, күнүс да сэрэтэн дьон олоҕун быыһыыр кыахтаах.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...