09.06.2022 | 13:00

Баһаартан сэрэхтээх буолуу ураты эрэсиимэ киирдэ

Баһаартан сэрэхтээх буолуу ураты эрэсиимэ киирдэ
Ааптар: Киин Куорат
Бөлөххө киир

2022 сыл бэс ыйын 7 күнүттэн от ыйын 7 күнүгэр диэри Дьокуускай куорат уокуругар баһаартан сэрэхтээх буолуу ураты эрэсиимэ киирдэ. Бу туһунан Олохтоох дьаһалта пресс-сулууспата иһитиннэрдэ.
Баһаартан сэрэхтээх буолуу ураты эрэсиимин кэмигэр ойуурга ойуур хаһаайыстыбатын үлэһиттэриттэн, итиэннэ баһаары умуорааччылартан ураты тырааныспар киирэрэрэ бобуллар.
Салалта территориальнай уорганнарыгар баҕа өттүнэн үлэлиир баһаарынай дружиналары бэлэмнииргэ, территорияларын бөхтөн ыраастыырга, уокуруктар кыраныыссаларыгар хаппыт оту охсорго сорудахтанна. Итини сэргэ салайар хампаанньалар территорияттан умайар матырыйааллары, бытовой бөҕү уонна хаппыт оту хомуйуохтара. Бөҕү, хаппыт оту уматыы бобуллар.
 «Гражданскай оборонаҕа, нэһилиэнньэни айылҕа уонна техногеннай ыксаллаах быһыыттан-майгыттан көмүскүүр, баһаартан куттал суох буолуутун хааччыйар управление» МХТ ЫБММ Кылаабынай управлениетын үлэһиттэрин кытта элбэх кыбартыыралаах дьиэлэр аттыларыгар баһаарынай тиэхиньикэ киирэрин мэһэйдиир сокуоннайа суох оҥоһуллубут гараастары, контейнердары, тэпилииссэлэри уо.д.а. бэрэбиэркэлииллэригэр сорудахтанна. 
«Гражданскай оборонаҕа, нэһилиэнньэни айылҕа уонна техногеннай ыксаллаах быһыыттан-майгыттан көмүскүүр, баһаартан куттал суох буолуутун хааччыйар управление» МХТ ойуур баһаардарын сүрүн төрүөттэрин санатар:
–уоту сэрэҕэ суох туттуу;
– баһаартан сэрэхтээх буолуу быраабылаларын кэһии;
– этиҥ түһүүтэ.
Өскөтүн эһиги ойуурга баһаар көрдүгэнин көрдөххүтүнэ, булгуччу чугас баар дьону кутталлаах зонаттан тахсалларын курдук сэрэтиҥ, бэйэҕит эмиэ ити сиртэн тэйиҥ, сатаммат буоллаҕына ууга киириҥ эбэтэр инчэҕэй таҥаһынан бүрүнүҥ, сирэйгитин маасканан саптыҥ. 
Сиринэн барар кыра уоту лабаанан охсуолаан, уунан кутан, буорунан көмөн умуруоруохха сөп. Сэрэхтээх буолуҥ, суолтан ыраах барымаҥ, атын умуруорар дьону кытта сибээскитин сүтэримэҥ. 
Дьокуускай куорат Гражданскай оборонаҕа уонна ыксаллаах быһыыга-майгыга управлениета санатар, 2022 сыл муус устар 30 күнүттэн дьон сынньанар сиригэр эриэйдэлэр ыытыллаллар: Кангалаас дьоҕус оройуонугар чох тиэйэр тиксиитигэр, (Өлүөнэ өрүс), Покровскайдыыр тракт 25 км Табаҕа сэлиэнньэтин таһыгар, Синньигэс күөл хаҥас кытылыгар, Намныыр тракт 22 км (Дьокуускай – Нам суол хаҥас өттө), Покровскайдыыр тракт 20 км, (Дьокуускай – Покровскай суол уҥа өттө).
Ойуурга, баһаары ыыппат курдук, кутаа уоту уматымаҥ, табааххытын, испиискэни умуруорбакка быраҕымаҥ, хаппыт оту уматымаҥ.
Ойуур баһаарын көрдүгүт даҕаны 101 нүөмэргэ, Биир кэлим дьуһуурунай диспетчерскэй сулууспаҕа 32-22-30, 32-23-64, 32-23-69 нүөмэрдэринэн, быыһыыр сулууспаҕа 112 нүөмэргэ суһаллык биллэриҥ.
Дьокуускай куорат Гражданскай оборонаҕа уонна ыксаллаах быһыыга-майгыга управлениета ойуурга баһаартан сэрэхтээх буолуу быраабылаларын кэһии иһин РФ КоАП 20.4 ыстатыйатын  2 чааһыгар олоҕуран административнай ыстараап көрүллэрин санатар:
- гражданнарга – 2500-4000 солкуобай;
- дуоһунастаах сирэйдэргэ – 15000-30000 солкуобай;
- юридическэй сирэйдэргэ – 200 000-400 000 солкуобай.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 8-14 күннэригэр
Сонуннар | 07.07.2024 | 10:00
НВК Саха бырагыраамата от ыйын 8-14 күннэригэр
Понедельник, 8 июля 6:00 Тиэргэн 6+ 6:30 Мы вам покажем 12+ 7:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 Айтал уонна аптаах куус 0+ 11:45 О5о саас ыллыыр 6+ 12:00 "Якутия" информационная программа 12+ 12:15 Сайдыс 6+ 12:45...