07.06.2021 | 13:02

Баһаартан сэрэхтээх буолуу рейдэлэрэ ыытыллар

Баһаартан сэрэхтээх буолуу рейдэлэрэ ыытыллар
Ааптар: Киин Куорат
Бөлөххө киир

Ыам ыйыттан балаҕан ыйыгар диэри киин куорат таһынааҕы ойуурдарга баһаартан сэрэхтээх буолуу рейдэлэрэ ыытыллар. Куорат уокуругун Гражданскай оборонаҕа, ыксаллаах быһыыга-майгыга уонна баһаартан сэрэхтээх буолууга управлениета иһитиннэрбитинэн,  бэрэбиэркэлэр дьон сынньанар уонна бултуур сирдэригэр буолаллар. 
Тустаах управление кылаабынай специалиһа Заур Бабаев кэпсээбитинэн, рейдэҕэ икки бөлөх сылдьар. «Биир бөлөх Покровскай тракт 16-25 км, Табаҕа тумуһун уонна Птицефабрика оройуонун кэтиир. Иккис бөлөх Намныыр суол  14-22 км, Маҕанныыр суол 7 км Маҕаҥҥа диэри, Намсыыр уонна Кангалаас тумулларын бэрэбиэркэлиир», – диир Заур Бабаев.
Ойуурга баһаартан сэрэхтээх буолуу быраабылатын кэһээччилэри боротокуоллар уонна ыстарааптар күүтэллэр. Физическэй сирэйдэргэ ыстараап 3 тыһыынча солкуобайга диэри, дуоһунастаах сирэйдэргэ – 20 тыһыынча солкуобайга диэри, юридическай сирэйдэргэ – 200 тыһыынча солкуобайга диэри.


Ойуурга баһаары ыыппат курдук кутаа уоту уматыллыбат, табах окууркатын уонна испиискэни быраҕыллыбат, хаппыт оту уматыллыбат. 
Дьокуускай куорат уокуруктааҕы дьаһалтатын 2017 сыл кулун тутар 13 күнүнээҕи 362р №-дээх дьаһалынан дьон маассабай сынньанар сирдэрэ быһаарыллыбыттара:
1.    Кангалаас микрооройуона – чох тиэйэр кытыл кэннигэр (Өлүөнэ өрүс); 
2.    Покровскайдыыр суол 25 км – Табаҕа сэлиэнньэтин таһыгар, Синньигэс күөл хаҥас кытыла; 
3.    Намныыр суол 22 км (Дьокуускай – Нам суол хаҥас өттө);
4.    Покровскайдыыр суол 20 км (Дьокуускай – Покровскай суол уҥа өттө).
Ити этиллибит сирдэргэ ханнык баҕарар кэмҥэ сынньаныахха сөп, ол эрэн кутаа уоту уматыллыбат. Шашлыгы чоххо буһарар анал миэстэлэр бааллар. Маһынан уматар көҥүллэммэт. Сынньана тахсыбыт дьон мангал тула кыра оҥхой хаһаллара уонна сэрэххэ уоту умуруорарга уулаах буолаллара ирдэнэр.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.