17.09.2022 | 18:45

Баҕа санаабыт туолла

Биһиги, М.К. Аммосов аатынан Хатырык орто оскуолатын үөрэнээччилэригэр, биир улахан бэлиэ түгэн буолан ааста.
Баҕа санаабыт туолла
Ааптар: Милена Молодова

Ол курдук, үөрэхтээһин национальнай бырайыагынан “Точка роста” естественнэй- техническэй толору хааччыллыылаах үс кылаас комплега бэриллэн, үөрүүлээх быһыыга-майгыга арылынна.

Кыһыл лиэнтэни быһыыга кыттыыны ыллылар, эҕэрдэ тылларын тиэртилэр: Хатырык нэһилиэгин баһылыгын солбуйааччы А.Е. Ноговицын, Нам улууһун үөрэхтээһинин управлениетын салайааччыта Е.В. Ядреева, оскуолабыт дириэктэрэ П.П. Тимофеев, оскуола бастыҥ үөрэнээччитэ Сайаан Левин, төрөппүт кэмитиэтин чилиэннэрэ.

СӨ үөрэҕин уонна наукатын миниистирэ И.П. Любимова оҕолорго истиҥ эҕэрдэтин, баҕа санаатын видео нөҥүө тириэртэ. Ол кэнниттэн саҥа кэлбит цифровой оборудованиены уруокка туһаныыны химия учуутала Е.С. Шадрина, биология учуутала А.В. Кайгородова көрдөрөн кэпсээтилэр, оҕолор интэриэстэрин тартылар.

Аныгылыы хааччыллыылаах, киэҥ билиини сырдатар сырдык кылаастарга бастыҥ көрдөрүү, үрдүк ситиһиилэр баар буолуохтара диэн эрэнэбит.

                                                                           Милена МОЛОДОВА, М.К. Аммосов аатынан  Хатырык орто оскуолатын 9 кылааһын үөрэнээччитэ.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.