Бөҕү тоҕуу административнай эппиэтинэһэ үрдээтэ

Арассыыйа бэрэсидьиэнэ Владимир Путин «Административнай кэһиини оҥоруу Арассыыйа Федерациятын Кодексатыгар уларытыылары киллэрии туһунан» Федеральнай сокуоҥҥа илии баттаата диэн иһитиннэрэр Дьокуускай куорат Прокуратурата.
Федеральнай сокуон  тулалыыр эйгэни киртитии, тырааныспарынан сылдьан көҥүллэммэт сиргэ бөҕү тоҕуу иһин административнай эппиэтинэһи олохтуур. 
Ити этиллибит быраабы кэһии иһин административнай ыстараап үрдээтэ: гражданнарга – 10 тыһыынчаттан 15 тыһыынча солкуобайга диэри; дуоһунастаах сирэйгэ – 20  тыһыынчаттан 30 тыһыынча солкуобайга диэри; юридическай сирэйдэргэ – 30 тыһыынчаттан 50 тыһыынча солкуобайга диэри буолла.
Буруйу оҥоруу ыарахан уйуктаах, бырысыаптаах тырааныспарынан, тыраахтырынан уонна да атын тиэхиньикэнэн сылдьан, эбэтэр хаһыс да төгүлүн оҥоһуллубут буоллаҕына административнай эппиэтинэс үрдүүр. Холобур, дуоһунастаах уонна юридическай сирэйдэр быраабы кэһиини хаһыс да төгүлүн оҥорбут буоллахтарына административнай ыстараабы сэргэ тырааныспары былдьааһын көрүллэр.