20.10.2021 | 13:00

Бүтүн Арассыыйатааҕы нэһилиэнньэ биэрэпиһэ ыраах уонна сылдьарга эрэйдээх нэһилиэнньэлээх пууннарга түмүктэннэ

Бүтүн Арассыыйатааҕы нэһилиэнньэ биэрэпиһэ ыраах уонна сылдьарга эрэйдээх нэһилиэнньэлээх пууннарга түмүктэннэ
Ааптар: Киин Куорат
Бөлөххө киир

2021 сыл муус устар 1 күнүттэн балаҕан ыйын 30 күнүгэр диэри ыраах уонна сылдьарга эрэйдээх нэһилиэнньэлээх пууннарга ыытыллыбыт Бүтүн Арассыыйатааҕы нэһилиэнньэ биэрэпиһэ түмүктэннэ. Ити курдук, 12 оройуон:  Аллайыаха, Анаабыр, Булуҥ, Үөһээ Дьааҥы, Эдьигээн, Кэбээйи, Муома, Аллараа Халыма, Өлөөн, Орто Халыма, Уус-Дьааҥы уонна Эбээн-Бытантай нэһилиэнньэтэ биэрэпиһи ааста. 
Бүтэһиктээх түмүк өссө тахса илик, ол эрэн барыллаан дааннайдарынан ити оройуоннарга нэһилиэнньэ ахсаана урукку көрдөрүүтээҕэр 6% аҕыйаабыт: 2021 сыл тохсунньу 1 күнүнээҕи туругунан  72 тыһ. киһи эбит, онтон Бүтүн Арассыыйатааҕы нэһилиэнньэ биэрэпиһин түмүгүнэн 67,5 тыһ. киһи буолбут. 
20 оройуон – Абый, Алдан, Амма, Үөһээ Бүлүү, Үөһээ Халыма,  Бүлүү, Горнай, Ленскэй, Мэҥэ-Хаҥалас, Мирнэй, Нам, Ньурба, Өймөкөөн, Өлүөхүмэ, Сунтаар, Таатта, Томпо, Уус-Алдан, Уус-Майа уонна Хаҥалас ыраах уонна сылдьарга эрэйдээх нэһилиэнньэлээх пууннарыгар биэрэпис сорох сирдэринэн эрэ ыытылынна.    
Ити нэһилиэнньэлээх пууннар, итини сэргэ «Дьокуускай куорат» уонна «Жатай» куораттааҕы уокуруктара, Нерюнгри уонна Чурапчы оройуоннарын нэһилиэнньэтэ биэрэпис сүрүн түһүмэҕэр суруллуохтара, ол эбэтэр алтынньы 15 күнүттэн сэтинньи 14 күнүгэр диэри. Өрөспүүбүлүкэ үрдүнэн барыта 1,6 тыһ. биэрэписчик үлэтин саҕалаата. 
Бэйэ туһунан дааннайдары булкаас көрүҥүнэн биэриэххэ сөп – алтынньы 15 күнүттэн сэтинньи 14 күнүгэр диэри дьиэҕэ кэлбит биэрэписчиккэ суруйтаран, алтынньы 15 күнүттэн сэтинньи 8 күнүгэр диэри судаарыстыбаннай өҥөлөр порталларыгар киирэн электроннай анкетаны толорон, итини сэргэ алтынньы 15 күнүттэн сэтинньи 14 күнүгэр диэри МФЦ-га эбэтэр биэрэпис учаастактарыгар тиийэн суруйтарыахха сөп.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.