17.01.2024 | 09:00

Бөҕү наардыыр ыстаансыйаны тутааччы уларыйбыт

Бөҕү наардыыр ыстаансыйаны тутааччы уларыйбыт
Ааптар: Киин Куорат
Бөлөххө киир

Бүлүүлүүр суол 27-с км «Экология» национальнай бырайыак иитинэн бөҕү наардыыр полигон бастакы уочарата ааспыт күһүн үлэҕэ киириэхтээҕэ кэккэ биричиинэлэрин тохтообута. 
Санатар буоллахха, полигон икки түһүмэҕинэн тутуллар. Бастаан инфраструктурата уонна бөх сүөкүүр биэс учаастактан икки бастакыта оҥоһуллар. Иккис түһүмэҕэ 2024-2028 сылларга олоххо киириэхтээх. Тутуу уопсай сыаната 3,7 млрд солк. тэҥнэһэр, бастакы уочарат сыаната – 2,4 млрд солк.
Маны сэргэ Бүлүүлүүр суол 8 км бөҕү наардыыр ыстаансыйа тутуллар. Ыстаансыйа сылга 150 тыһыынча туоннаҕа тиийэ ТКО ылар, ол эбэтэр Дьокуускай куорат уонна Жатай бөһүөлэгин барытын хааччыйар кыамталаах. Ону 100% наардыыр кыахха таҕыстаҕына, полигоҥҥа быраҕыллар бөх иэнэ лаппа аҕыйыахтаах.
Бу икки баараҕай бырайыак өрөспүүбүлүкэҕэ бөҕү таҥастыыр промышленнас сайдыытыгар тирэх буолуохтаахтар.
Полигон бастакы уочарата үлэтин саҕалыы илик сүрүн уонна соҕотох биричиинэтинэн, «СӨ ОДьКХ» ГУТ генеральнай дириэктэрэ Виталий Чикачев СИАҕа иһитиннэрбитинэн, федеральнай сокуон ирдэбилигэр сөп түбэспэтэ буолбут.
Ол курдук, сокуон быһыытынан, полигоҥҥа иккистээн туһаҕа тахсар кыаҕа суох эрэ бөх хараллыахтаах. Ол эбэтэр пластик, кумааҕы, өстүөкүлэ, мас – барыта тус-туһунан наарданыахтаах. 
Былырыын Саха Өрөспүүбүлүкэтин Бырабыыталыстыбата бөҕү наардыыр ыстаансыйаны тутар туһунан концессионнай сөбүлэҥи «Айылҕа» чааһынай хампаанньаны кытта түһэрсибитэ. Бу тэрилтэ тутууну 2024 сылга үлэҕэ киллэриэхтээҕин туһунан сонуну киэҥник-көрдөрөр иһитиннэрэр тэрилтэлэр сырдатан тураллар. Ол эрээри кэккэ биричиинэлэринэн, ол иһигэр санкцияларынан сибээстээн, «Айылҕа» чааһынай тэрилтэ ылыммыт эбэһээтэлистибэтин олоххо киллэрбэт турукка киирбит. Онон Өрөспүүбүлүкэ Бырабыыталыстыбата бөҕү наардыыр станцияны «СӨ ОДьКХ» ГУТ тутарын туһунан быһаарыыны ылыммыт.
Виталий Чикачев этэринэн, онон «СӨ ОДьКХ» ГУТ, «Якутскэкосети» ХЭТ учредителин быһыытынан, бөҕү хомуйууттан, наардааһынтан харайыыга диэри үлэ бары түһүмэҕин оҥорор буолбут.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 1-7 күннэригэр
Сонуннар | 30.06.2024 | 10:00
НВК Саха бырагыраамата от ыйын 1-7 күннэригэр
Понедельник, 1 июля  6:00 Сана кун 6+ 7:00 Международные дневники МСИ "Дети Азии" 6+ 7:05 Сана кун 6+ 8:00 Утро Якутии 6+ 9:00 "Якутия" информационная программа 12+ 9:15 Сана кун 6+ 10:00 Дневник Игр "Дети Азии" 6+ 10:15 Саха сатаабата суох 6+ 10:45 О5о саас ыллыыр 6+ 11:00 VIII  Игры...