02.06.2022 | 09:00

Үбүлүөйдээх турнир үтүө өйдөбүлү хаалларда

Үбүлүөйдээх турнир үтүө өйдөбүлү хаалларда
Ааптар: Баһылай ПОСЕЛЬСКАЙ
Бөлөххө киир

Анатолий Афанасьевич Михайлов үбүлүөйдээх 60 сааһыгар аналлаах өрөспүүбүлүкэ оҕолорун көҥүл тустууга турнира 15-с төгүлүн ыытылынна.

 

Кэбээйи улууһун Сиэгэн Күөлүттэн төрүттээх-уустаах, көҥүл тустууга ССРС, хапсаҕайга Саха Өрөспүүбүлүкэтин спордун маастара, РСФСР уонна “Спартак” Киин сэбиэтин чөмпүйүөнэ, Бүтүн Арассыыйатааҕы түһүлгэлэр кыайыылаахтара, улуу тренер Д.П. Коркин иитиллээччитэ, дьахталлары аан бастаан тустууга уһуйбут тренер, Саха сиригэр физическэй култуураны уонна спорду сайыннарыыга киллэрбит кылаатын иһин уонна Саха Өрөспүүбүлүкэтин “Гражданскай килбиэн” бэлиэлэр хаһаайына, Кэбээйи улууһун ытык олохтооҕо Анатолий Афанасьевич Михайлов үбүлүөйдээх 60 сааһыгар аналлаах өрөспүүбүлүкэ оҕолорун көҥүл тустууга турнира 15-с төгүлүн ыытылынна.

Турнир кыттыылаахтарын уонна А.А. Михайловы Ил Түмэн дьокутаата, хотугу норуоттары кытта үлэҕэ сис кэмитиэт бэрэссэдээтэлэ Елена Голомарева, Саха Өрөспүүбүлүкэтин спорка миниистирэ Леонид Спиридонов, Саха Өрөспүүбүлүкэтин тустууга федерациятын толорооччу дириэктэрэ Владимир Карпенко, Саха Өрөспүүбүлүкэтин физическэй култуураҕа уонна спорка идэлээх сойуустарын уонна бэтэрээннэр сэбиэттэрин бэрэссэдээтэлэ Гаврил Сивцев, Саха Өрөспүүбүлүкэтин ФКС үтүөлээх үлэһитэ Федот Соловьев, Тыа хаһаайыстыбатын агротехнологическай университетын ФКС кафедратын салайааччы Дмитрий Платонов, ФКМС Управлениетын начаалынньыга Роман Оконешников, бииргэ төрөөбүт эдьиийэ Альбина Аргунова-Михайлова, үөлээннээхтэрэ, доҕотторо, иитиллээччилэрэ уо.д.а. эҕэрдэлээтилэр.

Элбэх оҕолоох ыал төрөппүттэрэ эрдэ өлөннөр, кыра Толяны ийэтин эдьиийигэр куоракка ыыппыттара. Эт-сиин өттүнэн тэтиэнэх, сэттис кылааска үөрэнэр уолу күтүөтэ Геннадий Викторович тустуу секциятыгар аҕалбыта. Тохсус кылааска ССРС үтүөлээх тренерэ Д.П. Коркин тустууга оскуолатыгар ылыллыбыта. Өрөспүүбүлүкэҕэ биллэр бөҕөс буолбута. Аармыйаҕа сулууспалаабыта. СГУ педфакультетыгар физкультурнай салааны бүтэрэн, университекка преподавателлээбитэ, тренердээбитэ. Анатолий Афанасьевич үлэлиир кэмигэр устудьуоннар хамаандалара өрөспүүбүлүкэҕэ инники күөҥҥэ сылдьара, Бүтүн Арассыыйатааҕы күрэхтэһиилэргэ миэстэлэһэрэ. ССРС спордун икки маастара, сүүрбэччэ маастарга кандидат иитиллибиттэрэ. Төрөөбүт Сиэгэн Күөлүн спортоскуолатыгар Анатолий Афанасьевич Михайлов аатын иҥэрбиттэрэ. Кини аатыгар буолуталаабыт турнирдарга Арыйаан Тютрин, Георгий Окороков, Тимур Николаев, Александр Рассадин, Семен Владимиров курдук Саха сирин күүстээх бөҕөстөрө тыыллыбыттара-хабыллыбыттара.

Бэтэрээннэргэ аан дойду чөмпүйүөнэ Федот Архипович Соловьев, көҥүл тустууга Арассыыйа призера, Арассыыйа Кубогын кыайыылааҕа, Саха сирин абсолютнай кыайыылааҕа Василий Егорович Стручков Анатолий Михайлов сылбырҕа, киириилээх-тахсыылаах тустуугунан биллэрин, “швунганы” табыгастаахтык туттарын, илиитин утарсааччытын сүнньүгэр уурдаҕына, ону араарар уустуктардааҕын, тустуу сайдарыгар киллэрбит кылаата улаханын бэлиэтээтилэр.

Бу күрэхтэһиигэ аҕыс хамаанданан 96 оҕо түмсэн, иэмэх талахтыы эристилэр. Радислав Потапов (30 кг, Бүлүү), Ефим Аммосов (32 кг, 25 № оскуола), Алексей Татаев (25 № оскуола), Арыйаан Винокуров (38 кг, 3 № спортоскуола), Ньургун Алексеев (25 № оскуола), Вадим Константинов (44 кг, Горнай), Вадим Николаев (48 кг, 3 №  спортоскуола), Айаан Антонов (52 кг, Хатас), Михаил Семенов (57 кг, Бүлүү), Назим Сафаров (62 кг, 3 № спортоскуола) бастакы миэстэлэри ылаттаатылар. Кыайыылаахтар уонна миэстэлэспиттэр өйдөбүнньүк мэтээллэринэн, дипломнарынан, кубоктарынан, Анатолий Афанасьевич, Анастасия Семеновна Михайловтар дьиэ кэргэннэрэ туруорбут анал бириистэринэн наҕараадаланнылар. Сүрүн судьуйанан Петр Суздалов, сүрүн сэкирэтээринэн Владимир Торговкин үлэлээтилэр.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...