30.07.2022 | 10:00

Үбүлүөйдээх мааркалар

От ыйын 22 күнүгэр Саха сиринээҕи Арассыыйа почтата Саха АССР 100 сылынан 300 устуука маарка уонна 100 кэмбиэр тахсыбытын туһунан иһитиннэрбитэ. Саха АССР төрүттэммитэ 50 сылынан 1972 сыллаахха эмиэ Саха сирин тиэмэтигэр анал мааркалар тахсан тураллар.
Үбүлүөйдээх мааркалар
Ааптар: Алина ЗАХАРОВА

Өрөспүүбүлүкэ 100 сылынан тахсыбыт саҥа мааркаларга «Республика Саха (Якутия). 100 лет» диэн суруктаах, сахалыы орнаменнаах, Саха сирин гербэлээх, маарканы Пушкин аатынан Нуучча драматическай тыйаатырын, Ирбэт тоҥ музейын, Национальный художественнай музей, Өлүөнэ очуостарын, АЛРОСА хампаанньа, Петр Бекетов пааматынньыгын о.д.а. ойуулара киэргэтэллэр. Кэмбиэргэ маарка тахсыбыт күнэ-дьыла ыйыллар. Бүгүҥҥү күҥҥэ кэмбиэр атыыга бүппүт; бэлиэтээн эттэххэ, 17 солкуобайга атыыламмыт. Оттон  маарка сыаната 100 солк. 

1972 сыллаахха Саха АССР үйэ аҥаардаах үбүлүөйүнэн ССРС сибээһин министиэристибэтэ эмиэ мааркалаах кэмбиэрдэри таһааран турар.

Кэмбиэрдэргэ худуоһунньук А. Денисов «Девушка с оленем», «Проспект Ленина», «Погонщик на нартах» ойуулара, промышленнай оройуоннар хаартыскалара уонна ойуулара туһаныллыбыттар. Оттон төрдүс кэмбиэр туһунан коллекционер Надежда Усова соторутааҕыта эрэ бэлиэтии көрбүт итэҕэстэрин бу курдук кэпсээбитин Саха АССР 100 сылыгар аналлаах сайт таһаарбыт:

– Төрдүс кэмбиэргэ «50 лет Якутской АССР» диэн Ю. Косоруков уруһуйа туһаныллыбыт. Омос көрүүгэ, барыта өйдөнөр курдук. Алмаас, Алдан драгата, ньиэп быыската, чох тиэйэр вагонеткалар, мас тиэйбит КамАЗ, балык – барыта промышленнас балысхан сайдыытын кэрэһилиир. Арай бу соторутааҕыта быыстапкаҕа бэлэмнэнэ сылдьан өйдөөн көрбүтүм, мааркаҕа оччолорго тутулла илик ГРЭС ойуута баар. Аны туран, сахалыы көҕүөр оһуор, хомойуох иһин, таҥнары ойууламмыт.

 

Кырдьык, хомолтолоох

Сонуннар

Ордук ааҕаллар

Өбүгэ ситимэ, күүһэ уонна көмүскэлэ
Дьон | 29.07.2022 | 18:00
Өбүгэ ситимэ, күүһэ уонна көмүскэлэ
Кэлиҥҥи кэмҥэ төрдү-ууһу үөрэтиигэ интэриэс күүһүрдэ. Бүгүн, «өбүгэ ситимэ, күүһэ уонна көмүскэлэ” диэн өйдөбүллэргэ олоҕуран, өбүгэлэрбит күннээҕи олохпутугар, куппутугар-сүрбүтүгэр дьайыыларын туһунан эмчит, удаҕан Анастасия Владимировна Картузовалыын сэһэргэһэбит.
Түргэнник оҥоһуллар салааттар
Тускар туһан | 29.07.2022 | 16:09
Түргэнник оҥоһуллар салааттар
“Венеция” Састааба: копченай халбаһы, оҕурсу, моркуоп, кукуруза, майонез. Халбаһыны, огурсуну, моркуобу барытын биир формалаан кырбыыбыт. Кукурузаны, майонеһы эбэбит.     “Нежность” Састааба: хаппыыста, копченай халбаһы, чеснок, петрушка, майонез, туус. Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.   “Суһал салаат” Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр,...
Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.