02.09.2022 | 18:00

Үбүлүөйдээх аккырыыккаҕа ураты штемпель бэчээтэ туруорулунна

Бүгүн, балаҕан ыйын 2 күнүгэр, Дьокуускай куорат төрүттэммитэ 390 сылын көрсө оҥоһуллубут аккырыыккаларга үбүлүөйдээх штемпель бэчээтэ туруорулунна диэн Олохтоох дьаһалта пресс-сулууспата иһитиннэрдэ.
Үбүлүөйдээх аккырыыккаҕа ураты штемпель бэчээтэ туруорулунна
Ааптар: Киин Куорат
Бөлөххө киир

СӨ инновацияҕа, цифровой сайдыыга уонна инфокоммуникационнай технологияларга миниистирин солбуйааччы Андрей Суслов, куорат баһылыгын солбуйааччы, Олохтоох дьаһалта аппараатын салайааччыта Руслан Тимофеев, Федеральнай почта сибээһин управлениетын дириэктэрэ Петр Птицын үөрүүлээх быһыыга-майгыга Олохтоох дьаһалта уонна Арассыыйа почтата оҥорбут аккырыыккаларыгар үбүлүөйдээх штемпель бэчээтэ туруордулар.

Острог ойуулаах уонна 02.09.22 диэн дааталаах анал штемпели үбүлүөйгэ анаан Арассыыйа почтата оҥорон таһаарда. Үөрүүлээх тэрээһиҥҥэ коллекционердар, филателистар, филокартистар, киин куорат уопсастыбаннаһа кытыннылар.

СӨ инновацияҕа, цифровой сайдыыга уонна инфокоммуникационнай технологияларга миниистирин солбуйааччы Андрей Суслов бу тэрээһини историческай суолталааҕынан ааттаата.

«Бу аккырыыккалар коллекционердар пуондаларын эрэ толорбокко, бүтүн регион, дойду уонна аан дойду үрдүнэн тарҕаныахтара диэн эрэллээхпин», - диэн бэлиэтээтэ миниистир солбуйааччыта.

Куорат баһылыгын аатыттан эҕэрдэ тылы куорат баһылыгын солбуйааччы, Олохтоох дьаһалта аппараатын салайааччыта Руслан Тимофеев эттэ. Кини аккырыыккаларга куорат саамай биллэр сирдэрэ – ситэриллибит Ленин болуоссата уонна Таалай күөл баалларын бэлиэтээтэ. Аккырыыкка 2000 экземплярынан тахсыбыт.

«Бу аккырыыккаларынан куорат тупсаҕай оҥоһуулаах, олохтоохторго бары өттүнэн табыгастаах буолуон баҕарарбытын биллэрэбит. Ити сыалы ситиһэргэ туох баар кыахпытын туһаныахтаахпыт», - диэтэ Руслан Тимофеев.

Руслан Владимирович мустубут дьоҥҥо балаҕан ыйын 8-11 күннэригэр ыытыллар «Якутск 4.0.0 Старт» форум туһунан кэпсээтэ. Форум киин куорат сайдыытын, инники кэскилин түстүүргэ экспертэри, көхтөөх гражданнары, бизнес бэрэстэбиитэллэрин уонна куорат былаастарын сомоҕолуур балаһаакканан буолуоҕа.

Форум тэрийээччилэрэ – Олохтоох дьаһалта, Дьокуускай куораттааҕы Дуума, куорат Уопсастыбаннай палаатата.

Бырагыраама чэрчитинэн дискуссионнай балаһааккалар үлэлиэхтэрэ. Пленарнай мунньахха куорат социальнай-экономическай сайдыытын стратегиятыгар уларытыылары киллэрэргэ төрүөтүнэн буолуохтаах «Якутск 4.0.0 Старт» форум түмүк резолюцията ылыныллыаҕа.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...