Өбүгэбит үгэстэрин – оҕолорго

Олунньу 10-15 күннэригэр Ийэ тыл уонна сурук-бичик күнүгэр аналлаах өрөспүүбүлүкэтээҕи «Өбүгэм үтүө үгэстэрэ» онлайн квиз буолан ааста. Оҕону кыра сааһыттан сахалыы тыыҥҥа иитэр уонна өбүгэлэрбит олохторун-дьаһахтарын билиһиннэрэр сыаллаах-соруктаах оонньуу ZOOM платформаҕа ыытылынна.

Күрэскэ 10 улуустан уонна Дьокуускай куораттан – барыта 25 хамаанда, 125 үөрэнээччи көхтөөхтүк кытынна.

«Өбүгэм үтүө үгэстэрэ» онлайн квиз түмүгүнэн кыайыылаах хамаандалар билиннилэр.

Финалистар:

- «Боотурдар» хамаанда, Р.В. Лонкунов аатынан  Таас Үрэх оскуолата (сал. Кычкина А. Е.), Мииринэй улууһа.

- «Сулус» хамаанда, Дьокуускай куорат 31-с №-дээх оскуолата (сал. Семенова О.Д.).

3 миэстэ – «Сулусчаан» хамаанда, М.А. Алексеев аатынан Баппаҕаайы орто оскуолата, Бүлүү улууһа (сал. Оленева С.Д.).

2 миэстэ – «Тобул» хамаанда, «Айыы Кыһата», Дьокуускай (сал. Винокурова А.Е.)

1 миэстэ –  «Быччыылык быыкаалара» хамаанда, И.В. Пухов аатынан Окоемовка оскуолата, Уус Алдан улууһа (сал. Рожина И.И.).

Кыайыылаахтар сыаналаах бириистэринэн, сертификаттарынан наҕараадаланнылар.

Ноговицыннар дьиэ кэргэн «Саһыл бытык сыдьааннара» хамаандаҕа (Е.Е. Протопопов аатынан Саһыл орто уопсай үөрэхтээһин оскуолата, Томпо) “Бастыҥ визитка” диэн анал ааты олохтоото.

Маннык тэрээһиннэр оҕолор норуоттарын култууратын, үгэстэрин туhунан киэҥ өйдөбүлү, билиини ылалларыгар көмө буолаллар. «Сайдыс» оҕону сайыннарар киин өссө да аныгылыы хабааннаах онлайн күрэстэри ыытар былааннаах.

Юлия Андросова,

«Сайдыс» оҕону

 сайыннарар киин