Бүгүҥҥүттэн куорат уулуссаларыгар массыына сырыытыгар хааччахтааһын киирэр

«Дьокуускай куорат» тырааныспарын инфраструктуратын 2017-2032 сылларга комплекснай сайдыыта» муниципальнай бырагырааматын уонна «2019-2024 сылларга куттала суох, хаачыстыбалаах суоллар» национальнай бырайыак чэрчитинэн бэс ыйын 11 күнүттэн алтынньы 31 күнүгэр диэри киин куорат маннык уулуссаларыгар массыына сырыытыгар хааччахтааһын киирэр: 

-Халтурин уулуссатыгар – Кальвица уулуссатыттан Лермонтов уулуссатыгар диэри учаастак;
-Клара Цеткин аатынан уулусса – Петр Алексеев уулуссатыттан Клара Цеткин уулуссата бүтүөр диэри; 
-Эргэ Покровскай тракка Автодорожнай уулуссаттан Кыайыы 65 сыла СОТ-ка диэри;
- Тэкки Одулок аатынан уулуссаҕа, Пилоттар уулуссаларыгар – Курнатовскай уулуссатыттан Покрышкин уулуссатыгар диэри. 
Үлэ бэдэрээтчиттэрэ суолга сэрэтэр бэлиэлэри, хааччахтыыр мэһэйдэри туруораллар, хараҥа кэмҥэ эбии сырдатыыны холбоон сатыы дьон сылдьарыгар куттал суох буолуутун хааччыйаллар уонна өрөмүөн кэнниттэн 2021 сыл алтынньы 31 күнүгэр диэри суол балаһатын чөлүгэр түһэрэллэр. 
Үлэ хаамыытын «Главстрой» МХТ хонтуруоллуур.