22.08.2022 | 12:00

Бүгүн – Арассыыйа Судаарыстыбаннай былааҕын күнэ

Сылын аайы атырдьах ыйын 22 күнүгэр Арассыыйа Федерациятын Судаарыстыбаннай былааҕын күнэ бэлиэтэнэр. Бүгүн киэһэ киин куорат телебашнята триколор өҥүнэн уматыллыаҕа.
Бүгүн – Арассыыйа Судаарыстыбаннай былааҕын күнэ
Ааптар: Киин Куорат
Бөлөххө киир

Киин куорат Комсомуол, Ленин, Орджоникидзе, Доҕордоһуу уонна Кыайыы болуоссаттарыгар триколор-лиэнтэлэри түҥэтэр аахсыйа ыытыллар. Итиэннэ оройуоннарынан «Z» бэлиэлээх массыына наклейкаларын түҥэтэллэр.

Киин култуура уонна сынньалаҥ пааркатын сайыҥҥы сценатыгар «Былааҕы уруһуйдуубун» флешмоб, «Цветик-семицветик» мастарыскыайга «Былаах үс өҥө» куонкурус уонна оҕолорго «Араас өҥнөөх оонньуулар» бырагыраама ыытыллар.

Итини таһынан, социальнай ситимнэргэ «Арассыыйа символлара» квиз-оонньуу ыытыллыаҕа. Национальнай библиотека сайтыгар «Арассыыйа Федерациятын Судаарыстыбаннай былааҕын күнэ» виртуальнай быыстапка үлэлиир.

Саха сирин Наукатын аччыгый академиятыгар уонна сайыҥҥы оҕолор сынньанар, чэбдигирэр лааҕырдарыгар Арассыыйа Федерациятын гимнэ доҕуһуоллаах Судаарыстыбаннай былааҕы көтөҕүү линейкалара үөрүүлээх быһыыга-майгыга ыытыллыахтара.

Орджоникидзе болуоссатыгар 17.00 чааска «Великой России прославленный флаг» бырааһынньыктааҕы тэрээһин буолар. Итиэннэ 17.00 чааска А.Е. Кулаковскай аатынан Доҕордоһуу дьиэтин «АртАтриум» норуот туонатын территориятыгар бырааһынньыктааҕы кэнсиэр ыытыллар. Итини сэргэ «Плов дружбы» аһымал аахсыйа тэриллэр.

 Куорат олохтоохторун уонна ыалдьыттарын бырааһынньыгынан «Раздолье» норуодунай ансаамбыл, «Молодая Якутия» патриотическай кулууп, «Колымчанка» юкагир фольклорнай ансаамбыла уо.д.а. эҕэрдэлиэхтэрэ.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....