Бүгүн АГИКИ быйылгы үөрэххэ туттарсыы хампаанньатын туһунан аһаҕас кэпсэтиини ыытыаҕа

Бүгүн, бэс ыйын 8  күнүгэр, киэһэ 18 чаастан Арктикатааҕы судаарыстыбаннай култуура уонна искусство института инстаграмҥа Саха сирин үөрэххэ уонна наукаҕа министиэристибэтин официальнай сирэйигэр 2021 сылга үөрэххэ туттарсыы хампаанньатын туһунан аһаҕас кэпсэтиини ыытар. 
Онно үөрэх уонна наука миниистирин бастакы солбуйааччы Михаил Присяжнай уонна АГИКИ бэрэстэбиитэллэрэ кыттыыны ылыахтара.

Бүгүҥҥү аһаҕас эфиргэ  Арктикатааҕы судаарыстыбаннай култуура уонна искусство институтугар хайдах киириэххэ сөбүн туһунан үөрэххэ туттарсыы хампаанньатын сэкирэтээрэ, үөрэтэр-методическай уонна устудьуоннары кытта үлэ управлениетын начаалынньыга Татьяна Петроваҕа уонна эмиэ ити управление специалиһа Татьяна Филипповаҕа ыйытыктары биэриэххэ сөп. 
Аһаҕас кэпсэтии бүгүн киэһэ 18 чаастан СӨ үөрэххэ уонна наукаҕа министиэристибэтин инстаграмҥа официальнай сирэйигэр @minobrnauki_ykt буолуоҕа.