12.10.2021 | 11:30

Бүддьүөт үлэһиттэрин хамнастара үрдээтэ

Бүддьүөт үлэһиттэрин хамнастара үрдээтэ
Ааптар: Киин Куорат
Бөлөххө киир

Ааспыт ыйга өрөспүүбүлүкэ бырабыыталыстыбата бүддьүөт үлэһиттэрин сорох категорияларыгар хамнастарын үрдэтэргэ быһаарыыны ылыммыт. Ол курдук, оҕо уһуйааннарын иитээччилэрин, эбии үөрэхтээһин уонна тулаайах оҕолор дьиэлэрин педагогтарын, наука үлэһиттэрин, үрдүк үөрэх преподавателлэрин, култуура уонна социальнай хайысха үлэһиттэрин хамнастара үрдүөҕэ. Бу туһунан үлэ Министиэристибэтин пресс-киинэ иһитиннэрэр.
«Бу сыл саҕаланыаҕыттан хамнаһы иккистээн ааҕыы буолуоҕа. Хамнас үлэһит таһымыттан көрөн 3%-н 16%-ҥа диэри улаатыаҕа», – диэн  иһитиннэриигэ этиллэр.
Иһитиннэрииттэн көрдөххө, 2021 сылга Арассыыйа бэрэсидьиэнин стратегическай Ыйаахтарынан, региоҥҥа үлэ орто дохуотуттан хамнастара 100% уонна 200% үрдүөхтээх бүддьүөт эйгэтин үлэһиттэрин категориялара быһаарыллыбыт.
Саха сирин үлэ уонна социальный сайдыы Министиэристибэтигэр эппиттэринэн, Арассыыйа бэрэсидьиэнин «ыам ыйынааҕы» Ыйааҕар хапсыбатах атын категориялаах бүддьүөт үлэһиттэригэр тохсунньу 1 күнүттэн хамнаска 3% эбиллии көрүллүбүт, оттон судаарстыбаннай уонна олохтоох дьаһаллар үлэһиттэригэр 3% үрдүүрүн туһунан бу сыл от ыйын 1 күнүттэн быһаарыллыбыт.
Үлэ миниистирэ Елена Волкова бэлиэтээбитинэн, быйыл тохсунньу 1 күнүттэн тус сыаллаах категорияҕа киирсэр бүддьүөт уонна култуура үлэһиттэрин хамнастара улааппыт.
Сахастат көрдөрүүтүнэн, 2021 сыл тохсунньу-кулун тутар ыйдарыгар орто хамнас көрдөрүүтэ маннык:
үрдүк үөрэх кыһатын преподавателлэрэ – 133 253 солкуобай;
наука үлэһиттэрэ – 107 783 солкуобай;
тулаайах оҕолор дьиэлэрин педагогтара – 70 874 солкуобай;
социальнай үлэһиттэр – 68 655 солкуобай; 
култуура үлэһиттэрэ – 63 134 солкуобай; 
эбии үөрэхтээһин педагогтара – 60 887 солкуобай;
оскуолаҕа киириэн иннинээҕи үөрэх кыһатын педагогтара – 52 409 солкуобай.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...