20.09.2020 | 11:09

“Азия оҕолоро” түһүлгэни Владивостокка ыытыахтарын баҕараллар

“Азия оҕолоро” түһүлгэни  Владивостокка ыытыахтарын баҕараллар
Ааптар: Киин Куорат

Балаҕан ыйын 12 күнүгэр Владивостокка оҕо спордун инникитин, ол иһигэр «Азия оҕолоро» түһүлгэ сайдыытын Арассыыйатааҕы таһымнаах кэпсэтии буолла.  Приморскай кыраай баһылыга Олег Кожемяко ити Оонньуулары салайар регионугар ыытарга интэриэстээҕин биллэрдэ. Госдуума физическэй култуураҕа, спортка, туризмҥа уонна ыччат дьыалаларыгар кэмитиэтин салайар Марат Бариев, “Азия оҕолоро” бэрэсидьиэнэ Владимир Максимов, кыраай спордун миниистирэ Жан Анзорьевич, «Приморье за спорт» бырайыак салайааччыта Эльмир Валитов көрсүһүүгэ кыттыыны ыллылар.

Итинник бэлиэ тэрээһин ыытыллара, Владивосток курдук куоракка улахан үлэни ирдииринэн, онно туох оҥоһуллуохтааҕын сүбэлэстилэр.

Гиирэни анньааччылар 3 мэтээли ыллылар

Балаҕан ыйын 13 күнүгэр  Алуштаҕа, “Крымскай” федеральнай спортивнай киин баазатыгар гиирэ спордугар “Креченскэй муоста” диэн аһаҕас бэстибээлгэ Саха сирин бэтэрээн спортсменнара үс мэтээли ылары ситистилэр. Арассыыйа гиирэҕэ спордун федерациятын сайта иһитиннэрбитинэн, күрэхтэһиигэ 100-чэкэ спортсмен Крымтан, Москваттан, Санкт-Петербургтан, Краснодартан, Красноярскайтан, Казаньтан, Саратовтан, Омскайтан, Саха сириттэн – барыта дойду 20 регионуттан кэлэн күүстэрин холостулар. Бэстибээл күрэхтэһиитэ саастарынан араарыллыбыт бөлөхтөрүнэн ыытылынна. Бу күрэхтэһии чэрчитинэн Арассыыйа бэтэрээннэргэ чемпионата буолла. Онно дьахталлар 35, оттон эр дьон 40 саастарыттан үөһээлэргэ күрэхтэстилэр. Кыттааччылар ортолоругар биллиилээх спортсменнар, аан дойду уонна Европа чемпионнара аҕыйаҕа суохтар эбит. Дьэ, маннык эппиэттээх күрэхтэһиигэ биһиги өрөспүүбүлүкэбититтэн, Бүлүүттэн Иннокентий Кузьмин рывокка – бастакы, уһун циклгэ – иккис, Ньурбаттан Владимир Михайлов уонна Эдьигээнтэн Василий Беленков двоеборьеҕа үһүс миэстэлэри ыллылар. Аҕа саастаах спортсменнарбыт эриэ-дэхси ситиһиилэринэн эҕэрдэлээн кэбиһиэҕиҥ!

Үөрэнээччилэр Арассыыйаҕа миэстэлэстилэр

Казань куоракка буулдьанан ытыыга Арассыыйа уонна Бүтүн Арассыыйатааҕы чемпионат бүтэһик күнүгэр биэстэ эстэр  пневматическай бэстилиэтинэн ытыыга эр дьоҥҥо 16 саастаах Ян Федоров үрүҥ көмүс мэтээли ылла. Чурапчыга баар регионнааҕы спортивнай бэлэмнэнии киинин иитиллээччитэ 28-0 ахсаанынан Самараттан сылдьар аан дойдутааҕы кылаастаах маастары Андрей Щепетковы кыайда. Кыһыл көмүһү Санкт-Петербург спортсмена  Алексей Кузнецов түөһүгэр кэттэ.

«Киин куорат» ааспыт нүөмэригэр Казань куоракка биир үрүҥ көмүс мэтээли Саха Өрөспүүбүлүкэтин Олимпийскай кэскилин кыһатын устудьуона, итинник бэстилиэтинэн 10 миэтэрэҕэ 15 саастаах Алина Готовцева ылбытын туһунан суруйбуппут.

Сонуннар

Ордук ааҕаллар

Кириэмили кытта хамсатан...
Спорт | 29.07.2021 | 10:38
Кириэмили кытта хамсатан...
Үс саха Монреаллааҕы өрөгөйүн үөрүүтүн 45 сылынан уруй-айхал!!!
Айманыылаах Олимпиада
Спорт | 29.07.2021 | 10:00
Айманыылаах Олимпиада
Улахан түһүлгэ түбүктээх. Экономикаҕа охсуулаах дуу, барыстаах буолара дуу биллибэтин үрдүнэн тэрийэри былдьаһан туран ылына сатыыллар. Ол ханныгын да иһин    дойду инфраструктуратын, тутуутун, суолун-ииһин, транспорын  тупсарарга, аатын биллэрэргэ, туризмы, бизнеһы кэҥэтэргэ, сервиһи  сайыннарарга үтүө сабыдыаллаах.  Сатабыллаах  американецтар обургулар атын сирдэргэ олимпиадаларга кытта тендэри кыайан, ордук тв биэриилэри   тус хампаанньалара  монополистаан ...
250 тахса киһи «Туймаада» Аан дойдутааҕы олимпиадаҕа кыттар
Сонуннар | 27.07.2021 | 15:30
250 тахса киһи «Туймаада» Аан дойдутааҕы олимпиадаҕа кыттар
Аан дойдутааҕы математикаҕа, физикаҕа уонна информатикаҕа 28-с «Туймаада» олимпиадаҕа 255 киһи кытынна. Ол туһунан регионнааҕы наука Аччыгый академиятын пресс-сулууспата иһитиннэрэр.  Олимпиада от ыйын 24 күнүттэн атырдьах ыйын 3 күнүгэр диэри онлайн көрүҥүнэн ыытыллар. Кыттааччылар – Арассыыйа, Казахстан, Румыния, Иран, Сингапур, Болгария, Индонезия уонна РФ алта регионун бэрэстэбиитэллэрэ.   Бу тэрээһин...
Сэттэ сыллааҕы уот түгэннэриттэн
Дьон | 29.07.2021 | 10:35
Сэттэ сыллааҕы уот түгэннэриттэн
Василий Григорьевич Иванов.  Сааһа—алта уон түөрдэ. Сахаҕа орто уҥуохтаах, толуу көрүҥнээх. Дьэ, үлэни - хамнаһы кыайыах сирэйдээх-харахтаах, туттууллаах-хаптыылаах. Көрөн-истэн, саҥаран-иҥэрэн уолан-хаан. Төрөөбүт дойдутугар сорук туруорунан сайыннарар, тупсарар баҕалаах 2012 сылга Ньурба Чуукаарыгар нэһилиэк баһылыгын быыбарыгар туран, кыайан ситиһиилээхтик үлэлээбитэ. Сырыыны да кыайар, киириилээх-тахсыылаах. Дьокуускайга биирдэ билсиэхпиттэн элбэҕи сэһэргэспитим. Онтон биирин...