11.09.2020 | 16:00

Айылҕа “электрошокерынан” эмтэммиппин

Айылҕа “электрошокерынан” эмтэммиппин
Ааптар: Киин Куорат

- Өрдөөҕүтэ, биир күһүн, оччолорго үлэлиирим-хамсыырым үгэнин саҕана, аһара ноҕуруускаланан эбитэ дуу, хайдаҕа дуу – бүлгүнүм ыалдьан, уҥа илиим көтөхтөрбөт буолан хаалбыта. Биэлсэргэ көрдөрөн, эҥин-араас мааһынан сотто сатаабытым да, ааһан-араҕан биэрбэтэҕэ. Син биир ыалдьыбытын курдук ыалдьара, түүн нүөлүйэн, аанньа утуппат да буолбута. Биэлсэр Туонньа барахсан «ньиэрбэтэ» диэбитэ, эмтии-томтуу сатаабыта. Оччолорго учууталлыы сылдьарым. Дуоскаҕа суруйарбар, уҥа илиибин хаҥас илиибинэн өрө көтөҕөн туран суруйабын. Оҕолор дьиктиргииллэр.

Арай биир ардахтаах-силбиктээх күн хотонум кэннигэр, ЛЭП линиятын анныгар «Дружба» эрбиибинэн сиэрдийэ кэртим. Уһун дьылыгыр мастары талан сууллара сырыттым. Үрдүбүнэн дэриэбинэттэн дэриэбинэҕэ барар үрдүк күүрүүлээх лиинньийэ ааһар. Боруобаттара намылыйан аҕай тураллара. Онно кыһаллыы суох. Хаһан ыксаабакка сылдьыбытым баарай? Туттуу-хаптыы кытаанаҕа... Биир бэртээхэй сиэрдийэ тахсыах уһун, дьылыгыр тиити суулларбытым, төбөтүн диэкинэн боробулуохаҕа ыйааста түстэ. Төрдүттэн, доҕоор, муох буруолаан таҕыста. Соһуйан, туора хаһыйаары, уҥа илиибинэн харбаан ылбыппын өйдөөбөккө да хааллым. Онтум өрө мөхсө түһүөхпэр диэри, сүр күүскэ тогунан охсон саайда. Харахпыттан уот чаҕылыс гынна, хаһыытыы түһээт, кэннибинэн тэйиэккэлээн, хас да хаамыылаах сиргэ тиийэн, инчэҕэй муохха «лах» гына олоро биэрбиппин, бэйэм да билбэккэ хааллым. Өйүм арыый ырааһырыыта, өлө сыспыппын өйдөөтүм. «Дружбам» барахсан бэрт ыраах эһиллэн, тиэрэ таһыллан сытара. Чочумча, бэйэбэр кэлиэхпэр диэри олоро түһэн баран, маспар тиийбитим доҕоор, буруо-тараа бөҕөтө, муох умайан ахан эрэр эбит. Хата, дьиэм чугас буолан, сүүрэн саккынньахтанан тиийэн, тэпилииссэҕэ барар уу сылаангатын тоҕута тыытан ылаат, төттөрү ыстанным. Сүүрэн кэлэн, ыраах соҕуһунан эргийэ сылдьан маспын эрийэн, туора тардан син сууллардым. Кураан күн эбитэ буоллар, баһаар ыытарым хаалла. Баҕар, маһым инчэҕэй буолан умайбыта дуу, туох билиэй? “Дружбабын” ылан, солооһунтан тэйиччи бараммын сиэрдийэ кэртим. Ол сылдьан арай өйдөөбүтүм, маһы эҥин сууллары анньаары, уҥа илиибин тааҕы-таах көтөҕөбүн, өрө уунабын. Итэҕэйбэккэ хаста да уунаҥалаан көрбүтүм, илиим ыарыыта ханна да суох. Үтүөрэн хаалбыт. «Электрошок» диэнинэн эмтэммиппин дьэ удумаҕалаттым. Ол кэмтэн сүүрбэччэ сыл ааста, бүлгүнүм билиҥҥитэ этэҥҥэ.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...