28.07.2021 | 10:44

Айсен Николаев Саха сиригэр ойуур баһаардарын кытта охсуһар киини тэрийэри туруорсар

Айсен Николаев Саха сиригэр ойуур баһаардарын кытта охсуһар киини  тэрийэри туруорсар
Ааптар: Киин Куорат
Бөлөххө киир

Ил Дархан өрөспүүбүлүкэҕэ ойуур баһаардарын кытта охсуһар киини тэрийдэххэ ыраах сытар баһаардары умуруоруу үчүгэй көрдөрүүлээх буолуо этэ диэн бэлиэтиир. 
РФ премьер-миниистирэ Михаил Мишустин Южно-Сахалинскайга ыыппыт мунньаҕар Айсен Николаев кэккэ этиилэри, ол иһигэр региоҥҥа ойуур баһаардарын кытта охсуһар киини тэрийэри туруоруста.  
РФ айылҕа баайыгар уонна экологияҕа миниистирэ Александр Козлов Саха сиригэр бөлөх баара наадалааҕын бэлиэтээбит. «Бастакытынан, ити бэлэм инфраструктура. Красноярскайга тэрийэргэ харчы ирдэммэтэҕэ (онно киин тэриллэр), Черемшанка аэропорт, көтөр балаһа баар, ол иһин бөлөҕү үлэлэтэргэ, олордорго усулуобуйа баар. Иккиһинэн, салаа каадырын боппуруоһун быһаарыы. Үсүһүнэн, салааны үлэлэтэргэ үп-харчы көрүллүүтэ. Төрдүһүнэн, турар сирэ табыгастаах буолуохтаах», - диэн бэлиэтиир Козлов.
Онон ити боппуруос булгуччу толкуйданан быһаарыллыаҕа уонна этиилэр киллэриллиэхтэрэ диэн эппит Александр Козлов. 
Айсен Николаев бэлиэтээбитинэн, Саха сиригэр ойуур баһаардарын кытта охсуһар киини тэрийэр булгуччалаах. «Мэктиэлиибин, биһиги киини тэрийэргэ үбүлээһин боппуруостарын быһаарыахпыт, ол иһигэр материальнай-техническэй базаны тэрийии туһунан», - диир  Ил Дархан.
Кини быйыл өрөспүүбүлүкэ бэйэтин үбүнэн ойууру авиациянан харабыллыыр салааны арктика зонатыгар, Үөһээ Дьааҥы оройуонун Баатаҕай бөһүөлэгэр тэрийбитин туһунан эттэ. «Итиннэ былырыын-иллэрээ сыл улахан баһаардар буолбуттара. Быйыл быһыы-майгы атын. Ол иһин итинник улахан киини Саха сирин территориятыгар тэрийэри булгуччулааҕынан ааҕабын», - диир Айсен Николаев.
Мунньахха быйыл Саха сиригэр көмөҕө улахан федеральнай бөлөх ыытыллыбыта бэлиэтэннэ. Ол иһин былырыыҥҥыны кытта тэҥнээтэххэ 4 төгүл элбэх иэннээх баһаар умуруоруллубут. Ити –  363 тыһ. гектардаах сиргэ 468 баһаар.  Былырыын 96 тыһ. гектар иэннээх сиргэ 454 баһаар турбут. Былырыын баһаар киһи тиийбэт сиригэр буолан баара суоҕа 19% эрэ умуруоруллубут. Быйыл ити көрдөрүү 52% тэҥнэспит.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...