08.07.2021 | 13:51

Айсен Николаев Бүтүн Арассыыйатааҕы дьиэ кэргэн, таптал уонна бэриниилээх буолуу күнүнэн эҕэрдэлиир

Айсен Николаев Бүтүн Арассыыйатааҕы дьиэ кэргэн, таптал уонна бэриниилээх буолуу күнүнэн эҕэрдэлиир
Ааптар: Киин Куорат
Бөлөххө киир

Ил Дархан СӨ салалтатын аатыттан Саха сирин олохтоохторун Бүтүн Арассыыйатааҕы дьиэ кэргэн, таптал уонна бэриниилээх буолуу күнүнэн эҕэрдэлээтэ. 
Кини бу бырааһынньык биһиги олох сыаннастарын, дьиэ кэргэн улахан суолтатын, сааһырбыт дьоммутун көрүү-харайыы, көлүөнэлэр ситимнэрин, утумнааһын, оҕо иитиитин туһунан толкуйдуурбутугар өссө биир төрүөтү биэрэр диэтэ. Дьиэ кэргэн – киһи тирэҕэ, кини онтон күүс, билии ылар, дьиэ кэргэн духуобунай, сиэр-майгы сыаннастарыгар олук уурар. Киниттэн бөһүөлэк, куорат, өрөспүүбүлүкэ уонна дойду бүттүүнүн инникитэ тутулуктааҕын баһылык бэлиэтээтэ.  
«Саха сирэ ханнык баҕарар кэмҥэ бигэ туруктаах ыалларынан, үгэстэринэн күүстээх этэ. Оҕолордоох дьиэ кэргэннэргэ, оҕо төрөөһүнүгэр  социальнай өйөбүл оҥоһуллар, саҥа хайысхалар киирэллэр. Ол иһин регион оҕо төрөөһүнүгэр инники кэккэҕэ сылдьар. Быйыл   7,2 млрд солкуобай «Демография» национальнай бырайыак олоххо киирэригэр көрүллэр. Итинтэн 4,9 млрд солкуобай дьиэ кэргэҥҥэ оҕо төрүүрүгэр өйөбүл быһыытынан барыаҕа», - диэн эттэ Айсен Николаев. 
Кини дьиэ кэргэҥҥэ оҕону иитиигэ, сааһырбыт дьону өйүүргэ табыгастаах усулуобуйа тэриллэрин бэлиэтээтэ.  Ол курдук аныгылыы оскуолалар, уһуйааннар, спорт, доруобуйа харыстабылын эбийиэктэрэ тутуллаллар. Баһылык сыл ахсын үөрэҕирии, доруобуйа харыстабылын, өҥө оҥоруу эйгэтин хаачыстыбалара тупсан иһэрин бэлиэтээтэ уонна бигэ туруктаах эрэ дьиэ кэргэн Саха сирин социальнай-экэнэмиичэскэй, култуурунай уонна духуобунай сайдыытыгар олук уурарын бэлиэтээтэ. 
Баһылык Саха сирин олохтоохторугар дьолу, чэгиэн доруобуйаны, күүстээх санааны, дьиэ кэргэҥҥэ этэҥҥэ буолууну, чэчирии сайдыыны баҕарда.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.