Айсен Николаев: Арассыыйа авиацията Саха сиригэр ойуур баһаардарын умуруорууну саҕалыыр
Саха сирин арҕаа өттүгэр уу кутар тэриллээх ИЛ-76 сөмөлүөттэр түмсэллэрэ быһаарылынна.
Ол туһунан өрөспүүбүлүкэ баһылыга Айсен Николаев бэйэтин социальнай ситимин сирэйигэр суруйда.
«Ойуур баһаардарын уонна өрөспүүбүлүкэ аэропуортарын кыахтарын учуоттаан уу кутар тэриллээх Ил-76 сөмөлүөттэр Саха сирин арҕаа өттүгэр түмсэр буоллулар.
Сөмөлүөттэр Арассыыйа оборуонатын Министиэристибэтин салгын суудуналарыгар – Ми-8 бөртөлүөттээх бөлөҕөр күүһүрдүү буолуохтара. Ити бөртөлүөттэр Ленскэй, Өлүөхүмэ, Ньурба, Хаҥалас уонна Нам оройуоннарыгар нэдиэлэттэн ордук ойуур баһаардарын умуруорууга үлэлии сылдьаллар.
Итини таһынан, ойууру харабыллыыр авиация сайаапкатынан „Циклон“ Ан-26 оҥоһуу ардаҕы түһэрэр сөмөлүөт үлэлиир уонна өрөспүүбүлүкэ кэккэ оройуоннарыгар ардаҕы түһэрэн бэйэтин үчүгэйдик көрдөрдө.
РФ ЫБММ өттүттэн Бе-200 амфибия-сөмөлүөт уонна уу кутар Ми-8 бөртөлүөт састааптаах авиация бөлөҕө үлэлиир.
Саха сирин олохтоохторун уонна тус бэйэм ааппыттан дойду бэрэсидьиэнэ Владимир Владимирович Путиҥҥа уонна Арассыыйа оборуонатын миниистирэ Сергей Кужугетович Шойгуга өйөбүллэрин уонна көмөлөрүн иһин улахан махталбын тиэрдэбин!» - диэн суруйар Ил Дархан.
Сонуннар
Ордук ааҕаллар
