Айсен Николаев: 12 тыһыынчаттан тахса киһи дьадайыы таһымыттан таһаарылынна
![Айсен Николаев: 12 тыһыынчаттан тахса киһи дьадайыы таһымыттан таһаарылынна](https://kiinkuorat.ru/wp-content/uploads/2024/06/Ys4M3hNq6r.jpg)
Ааспыт 2023 сылга Саха сирин 12 тыһыынча кэриҥэ олохтооҕо дьадайыы таһымыттан таһаарылынна. Үүммүт сылга өрөспүүбүлүкэ былааһа аадырыстаах социальнай өйөбүллэр уонна дьоҕус уонна орто урбаан көмөтүнэн дьадайыы таһымын икки бүк намтатар былааннаах.
Ол туһунан ааспыт 2023 сыл түмүгүнэн Ил Түмэн дьокутааттарын иннигэр отчуотугар Ил Дархан Айсен Николаев иһитиннэрдэ. Ил Дархан этэринэн, 2023 сылга өрөспүүбүлүкэҕэ дьадайыы таһыма 14% намтаабыт. Чуолаан, 12 тыһыынча кэриҥэ киһи дьадайыы таһымыттан тахсыбыт. Кэлэр сылларга былаастар сыл аайы 14 тыһыынчаттан тахса киһини дьадайыы боруогуттан таһаарар соруктаахтар. Ону ситиһэр сыалтан уустук балаһыанньалаах дьиэ кэргэннэри, дьону кытта биирдиилээн үлэ ыытыллыаҕа дииллэр. Чуолаан социальнай өйөбүл миэрэлэрин хаачыстыбатын тупсарар, дьоҕус уонна орто урбааны өйүүр, сайыннарар сорук турар.
Ил Дархан бэлиэтээбитинэн, Саха Өрөспүүбүлүкэтигэр 2023 сылга үлэтэ суох буолуу уопсай кээмэйэ 5,7% намтаабыт, муус устар ыйга ити көрдөрүү саамай намыһах таһыма бэлиэтэммит - 5,2%.
Санатар буоллахха. 2023 сылга Ил Дархан дуоһунаһыгар киирэн баран таһаарбыт биир бастакы ыйааҕар кэлэр биэс сылга өрөспүүбүлүкэҕэ дьадайыы таһыма 5 төгүл намтыахтааҕын туһунан этиллэр, диэн иһитиннэрэр Ил Дархан уонна Бырабыыталыстыба пресс-сулууспата. Андрей Сорокин, СИА, хаартыскаҕа түһэриитэ.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)