21.02.2022 | 13:00

«Айарбук» саҥа мобильнай сыһыарыы сүрэхтэннэ

«Айарбук» саҥа мобильнай сыһыарыы сүрэхтэннэ
Ааптар: Киин Куорат
Бөлөххө киир

Олунньу 18 күнүгэр «Айарбук» ааҕыыга аналлаах саҥа мобильнай сыһыарыы сүрэхтэниитэ буолла. Сыһыарыыны «Айар» национальнай кинигэ кыһатын генеральнай дириэктэрэ А.В. Егоров көҕүлээн, А. Баишев салайааччылаах «Квантум» IT-хампаанньа көмөтүнэн кинигэ кыһата оҥорон таһаарда.
Мобильнай сыһыарыы үлэтэ 2020 сылтан саҕаланан,  быйыл ийэ тыл күнүн көрсө күн сирин көрдө. Сыһыарыыга уопсайа 500-тэн тахса: 470 электроннай уонна 70-ча аудио форматтаах саха, нуучча, хотугу норуоттар тылларынан кинигэлэр киирдилэр. Олор истэригэр оҕоҕо уонна төрөппүккэ анаммыт литература, прикладной кинигэлэр, уус-уран айымньылар, сынньалаҥҥа, аска–үөлгэ анаммыт таһаарыылар, итини сэргэ 100-тэн тахса босхо аудио уонна электроннай кинигэлэр бааллар.
Сыһыарыыга суруттарарга тус тарыыбы талыахха сөп. Суруппут дьон биир-икки кинигэни эрэ буолбакка, библиотеканы барытын ааҕыахтарын сөп. Холобур, «Премиум» тарыыбынан библиотека бары кинигэтин туһаныахха сөп, оттон «Стандарт» тарыып оҕолорго аналлаах уонна уус-уран литература айымньыларын ааҕар кыаҕы биэрэр.
Сыһыарыыга бастаан киирбиттэр 14 күн босхо туттар кыахтаахтар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...