06.07.2021 | 12:35

Айаал Лазарев — олимпиадаҕа

Айаал Лазарев — олимпиадаҕа
Ааптар: Иван Ушницкай
Бөлөххө киир

Ити үөрүүлээх сурахтан олус астыммытын биллэрэн, СӨ Ил Дархана Айсен Николаев бар дьонун эҕэрдэлээтэ. 
Айаал Лазаревка олимпийскай квота бэриллибитин Кыргызстан Өрөспүүбүлүкэтин  Национальный олимпийскай кэмитиэтин бэрэсидьиэнигэр г-н Шаршенбек Абдыкеримовка  UWW (аан дойдутааҕы   тустуулар холбуһуктаах ассоциациатын) Генеральный секретара Мишель Дюссон официальнай суругунан биллэрдэ.
 Ыам ыйын саҥатыгар  биһиги Айаалбыт атаҕар эчэйиитэ бэргии сылдьан Болгарияҕа ыытыллыбыт лицензионнай түһүлгэҕэ Азия урукку призерыгар Малик Сумикка (Индия) бастакы эргииргэ хотторон  олимпийскай путевкаттан кыһыылаахтык матта диэн аймаммыппыт. Эрэли тиһэххэ диэри күүтэр баҕайы. Ол да иһин Айаал сэрэйбит курдук, тохтоон хаалбакка, салгыы тустан үһүс буолбута. Ити иннинэ оһолтон өр сыллаах тохтообутун кэннэ сыл бүтүүтэ Москва Кубогар, Будапешка аан дойду чемпионатын оннугар ыытыллыбыт Кубокка пьедестал үһүс үктэлэригэр тахсыылара, Азия чемпионатыгар үрүҥ көмүс мэтээлигэр тиксиитэ таах хаалбата. Саамай үрдүк рейтиннээҕинэн иккистээн олимпиец буолар чиэскэ тигистэ. Саха ыарахан ыйааһыыҥҥа итинник ситиһиилэнэрэ астык буолбаат!   
Индус Малик Сумит Болгариятааҕы тестээһин көрдөрүүтүнэн допины туттууга уорбаламмыта. Онон  иккис В аналиһы туттарарга күһэллибитэ. Ол түмүгэ бу күннэргэ биллиэхтээҕин долгуйа күүппүппүт. 
- Бириэмэни сүүйэн, - диир тренерэ Иван Сивцев, - Айаалы Охлопковы, Ароновы кытта Владикавказка ыыппытым. Онтон күн аайы араас сибээһинэн билсэ, сүбэлэһэ сылдьабыт. Атаҕын эмтэтэр, хайаҕа сүүрэр, саалаҕа хамсанар, көбүөргэ эрчиллэр.  Дьыаланы, харчыны быһаарыстарбын күн сарсын да көтүөм. Айаал бэлэмэ үчүгэй. 
- Ыйааһына хайдаҕый?
- 118 кг. Олимпиадаҕа кылаабынайа сүр-күүс кыайар.   Кини курдук күүстээх санаалаах аҕыйах. 
Чэ, кытаатыҥ. 

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...