Автовокзал оройуонугар бытыылкаттан уонна бакыаттан оҥоһуллубут билиитэни тэлгиэхтэрэ

Дьокуускайдааҕы экологическай хампаанньа күннэтэ 100 кв/м иэннээх тротуар билиитэтин, 50 кв/м иэннээх брусчатканы, ону таһынан суол бордюрун, олорор ыскамыайканы оҥорон таһаарар кыахха тахсыбыт. Бу барыта, сөҕүөх иһин, пластик бакыаттан уонна бытыылкаттан оҥоһуллар.
Лабораторнай чинчийиилэр көрдөрөллөрүнэн, матырыйаал кытаанаҕынан, бөҕөтүнэн-таҕатынан ирдэбилгэ толору хоруйдуур. Онон куорат салалтата быйыл эксперимент быһыытынан Автовокзал оройуонугар маннык билиитэни тэлгээн көрөргө быһаарыммыт. Бакыат уонна бытыылка тротуар, сыанатыгар таһаардахха, үгэс буолбут бетон билиитэттэн ыарахана суох, ол эрээри куораты сыыһырдар бөҕү туһаҕа таһаарарынан тэҥнээҕэ суох.
Тэрилтэ салайааччыта Сергей Петров холобурдаабытынан, уулуссаҕа туруоруллар биир ыскамыайканы оҥорорго 5000 курдук полиэтилен бакыат туттуллар.