Атыы эбийиэктэрэ графигынан дезинфекцияланаллар

Киин куоракка эпидемиологическай быһыы-майгы мөлтөөбүтүнэн сибээстээн, Саха Өрөспүүбүлүкэтин Ил Дарханын Ыйааҕар уонна Дьокуускай куорат суһал штабын быһаарыытыгар олоҕуран,  Роспотребнадзор регионнааҕы Управлениетын сүбэтин учуоттаан, график быһыытынан нэдиэлэ саҥатыгар – хас бэнидиэнньик уонна оптуорунньук ахсын атыы тэрилтэлэрэ, атыылыыр-саататар кииннэр, дьаарбаҥкалар, ырыынактар сарсыарда 08.00 чаастан 13.00 чааска диэри дезинфекцияҕа сабыллыахтаахтар. Бу туһунан Олохтоох дьаһалта пресс-сулууспата иһитиннэрдэ. 
Олохтоох дьаһалта 2022 сыл тохсунньу 24 күнүнээҕи «"Дьокуускай куорат" куораттааҕы уокурук территориятыгар коронавируснай инфекцияны (COVID-19) тарҕаппат туһугар эбии миэрэлэри ылыныы» 41р №-дээх дьаһалынан бигэргэтиллибит график быһыытынан, кууһунан уонна биирдиилээн атыы тэрилтэлэрэ, атыылыыр-саататар кииннэр, атыы кииннэрэ, дьаарбаҥкалар, ырыынактар, атыы промышленнай бөлөхтөрүн тэрилтэлэрэ, биирдиилээн предпринимателлэр, бас билии форматыттан тутулуга суох "Дьокуускай куорат" куораттааҕы уокурук территориятыгар үлэлээччилэр, хас бэнидиэнньик уонна оптуорунньук ахсын сарсыарда 08.00 чаастан 13.00 чааска диэри дезинфекцияҕа сабыллаллара булгуччулаах. 
Атыы эбийиэктэрин дезинфекциялааһын ураты дьаһал тахсыар диэри салҕанар.