28.07.2022 | 16:00

Атырдьах ыйыттан киирэр сокуоннартан

Атырдьах ыйыттан киирэр сокуоннартан
Ааптар: Киин Куорат

Эт-хаан өттүнэн чэбдигирэр дьарык иһин төлөммүт сууматтан атырдьах ыйын 1 күнүттэн 13 % төннөрөр туһунан сокуон олоххо киирэр. Нолуок харчытын төннөрүүгэ ханнык тэрилтэлэр хапсалларын Арассыыйа спордун министиэристибэтэ бигэргэтэн турар. Арассыыйа үрдүнэн испииһэккэ 3836 спорт тэрилтэтэ киирбитэ, ол иһигэр Саха сиригэр 41 тэрилтэ баар. Төлөбүрү ылар ирдэбиллэр: тэрилтэ сүрүн дьарыгынан спорт уонна физическай култуура буолуохтаах, штатыгар анал үөрэхтээх дьон үлэлиэхтээхтэр, тэрилтэ олох-дьаһах, өҥөнү оҥоруу эйгэтигэр туох да кэһиитэ суох буолуохтаах. Төлөбүр муҥутуур суумата – 120 тыһ. солк. Чөл олоҕу, спорду өрө тутааччыларга, чахчы, бэртээхэй өйөбүл.

* * *

«Уһук Илиҥҥи гектар» бырагырааманан ылбыт сирдэрин бас билиигэ эбэтэр уһун болдьохтоох куортамҥа ылбыт, туһаҕа таһаарбыт дьон атырдьах ыйын 1 күнүттэн иккис учаастактарын ылар кыахтаахтар. Бэлиэтээн эттэххэ, от ыйыттан “Арктика гектара” бырагыраама үлэлиир. Бу бырагыраама сүрүннээн туризмы сайыннарыыга туһуланар.

***

Булт уонна хамсыыр харамай туһунан сокуоннарга уларыйыылар киирэллэр. Ол курдук, ханнык булка көҥүлү биэрэри, булт болдьоҕун, тэрилин о.д.а. быраабылалары Арассыыйа айылҕа харыстабалын министиэристибэтин кытта сөпсөһүннэрэн регионнар бэйэлэрэ олохтууллар. Бултааһыны букатын бобуу булт көрүҥэ кэлиҥҥи үс сылга 50 % аҕыйаабыт түгэнигэр олохтонор.

* * *

Интеллектуальнай бас билииттэн киирбит барыс нолуогун алын ыстаапкатын регионнар бэйэлэрэ олохтуур бырааптаахтар.

* * *

Массыыналаахтар ОСАГО дуогабарын түһэрсэллэригэр атырдьах ыйын 22 күнүттэн техосмотру ааспыттарын туһунан докумуону көрдөрөртөн босхолоноллор.

* * *

Арассыыйа территориятыгар олорор эрээри гражданствота суох дьоҥҥо быстах кэмнээх дастабырыанньаны уон сылга болдьохтоон атырдьах ыйын 24 күнүттэн биэриэхтэрэ. Дастабырыанньаны ылбыт киһи 7 үлэ күнүн иһинэн олорор сиринэн учуокка турара ирдэнэр. Ол эрээри омук гражданствотын ыллаҕына эбэтэр омук сиригэр олорор буоллаҕына, докумуон аннулируйданар уонна бу киһи Арассыыйа территориятыттан 15 хонук иһигэр тахсыахтаах. Сымыйа докумуоннары эбэтэр олоҕо суох чахчылары биэрии иһин эмиэ докумуон былдьанар.

* * *

Тыаһы-ууһу күүһүрдэр тэрилинэн дьиэлэр эркиннэриттэн, сарайдарыттан тыас-уус рекламатын биэрэр атырдьах ыйын 25 күнүттэн бобуллар.

* * *

Судаарыстыбаннай регистрация туһунан сайабылыанньаҕа юридическай сирэй эбэтэр ИП илии баттааһына дьиҥнээҕин бигэргэппит нотариус атырдьах ыйын 25 күнүттэн маннык ис хоһоонноох сайабылыанньаны уонна атын туһааннаах докумуоннары регистрациялыыр уоргаҥҥа ыытар эбээһинэстээх. Нотариус маны электроннай көрүҥүнэн илии баттааһыны бигэргэппит күнүгэр ыытыахтаах.

* * *

Омук гражданнарыгар визаны биэрии судургутуйар. Ол эбэтэр атырдьах ыйын 25 күнүттэн омук гражданнара Арассыыйа визатын алта ыйга тиийэ ылыахтарын сөп. Онуоха омук гражданина Арассыыйаҕа олорор дьиэтин гостиницалар биир кэлим испииһэктэриттэн ылыахтаах эбэтэр биир кэлим реестргэ баар туроператор ыҥырыытын көрдөрүөхтээх.

Сонуннар

Ордук ааҕаллар

Өбүгэ ситимэ, күүһэ уонна көмүскэлэ
Дьон | 29.07.2022 | 18:00
Өбүгэ ситимэ, күүһэ уонна көмүскэлэ
Кэлиҥҥи кэмҥэ төрдү-ууһу үөрэтиигэ интэриэс күүһүрдэ. Бүгүн, «өбүгэ ситимэ, күүһэ уонна көмүскэлэ” диэн өйдөбүллэргэ олоҕуран, өбүгэлэрбит күннээҕи олохпутугар, куппутугар-сүрбүтүгэр дьайыыларын туһунан эмчит, удаҕан Анастасия Владимировна Картузовалыын сэһэргэһэбит.
Түргэнник оҥоһуллар салааттар
Тускар туһан | 29.07.2022 | 16:09
Түргэнник оҥоһуллар салааттар
“Венеция” Састааба: копченай халбаһы, оҕурсу, моркуоп, кукуруза, майонез. Халбаһыны, огурсуну, моркуобу барытын биир формалаан кырбыыбыт. Кукурузаны, майонеһы эбэбит.     “Нежность” Састааба: хаппыыста, копченай халбаһы, чеснок, петрушка, майонез, туус. Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.   “Суһал салаат” Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр,...
Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.