10.07.2020 | 17:38

Ат уонна киһи - 7

Ат уонна киһи - 7
Ааптар: Киин Куорат

Үөһэттэн айдарыыларынан, өйдөрүнэн, эттэринэн-хааннарынан Айыылартан  алтыһыылара

 Инники кыайыылаахтары билиммэтилэр

2020 сыл. От ыйын 4 күнэ.

10:40. Алтыс сүүрдүү—ипподрому иккитэ иилии эргийии: 3200 м. СӨ Бырабыыталыстыбатын бирииһэ — 250 тыһыынча солкуобай. Спонсор – СӨ тыа хаһаайыстыбатын министиэристибэтэ. Түөртээх уонна онтон ордук саастаах 10 сылгы былдьаһар, аҕыһа атыыр, икки эрэ биэ. Олортон иккитэ булкаас хааннаах. Аҕыһа – ыраас  хааннаах сүүрүк боруода, ордуктара сэрэйиллэр. Онон кинилэри бастаан билиһиннэриэххэ.  

Саамай уопуттаах 1№. Тускул («Чурапчы” ТХПК) – хараҥа кугас атыыр, тоҕус саастаах (Аҕата –Бабар, ийэтэ – Алина).  Сүүрдээччи – В.Иванов, хомуһуола сур,  күөх сулустардаах, тренерэ Д. Осипов). 

Манна сүүрээччилэр муҥутаан уончалыы кэриэтэ күрэхтэспит буоллахтарына, Тускул 42 күрэхтэһиигэ кыттыбыт (тугун элбэҕэй?). Биир тэҥ ситиһиилээҕинэн биллэр,  ордук үксүгэр биэтэккэ түргэтээн айдаан тардан аатырааччы. Ол  42-тэн лоп курдук аҥаарыгар (21 төгүл) бастаабыта, үстэ иккис, биэстэ үһүс буолбута. “Синтай” тыраахтарынан хаһаайыттарын күндүлээн турар.  “Приз национального  достояния” 2017, 2019 сс. кыайыылааҕа.  Бырабыыталыстыба бирииһигэр үстэ иккис буолбута, биирдэ былырыын бастаабыта. Ити  үрдүк аатын көмүскүүрүгэр сааһырбыта таайыа дуо?

Атыттартан 2№. Литл Лайт (Амма, Абаҕа, «Строд» ТХПК) старда эмиэ элбэх. 5 саастаах  тураҕас атыыр сүүрбэтэ күрэхтэһэн элбэхтэ миэстэлэспитэ. Сүүрдээччи – Н.Терентьев, хомуһуола саһархай, санна күөх, тренерэ – Н.Громов) (Аҕата Арджуна, ийэтэ – Паунд Глори

3. Сайбер Шот (Мэҥэ Хаҥалас) – кугас атыыр. Биэс саастаах ыраас хааннаах боруода. (Аҕата – Данк Шот, ийэтэ – Совдия), бас билээччитэ боксаҕа Европа, Арассыыйа  хас да төгүллээх чемпиона, аан дойду призера, олимпиец Василий Егоров, маастар-сүүрдээччи Е. Оконешников, хомуһуола көмүстүҥү таҥастаах, маастар-тренер В.Игнатьев). 

4 №. Стимул (Таатта, Чычымах) – 6 саастаах кугас атыыр. (Аҕата – Алмош Везер, ийэтэ –  Сайсары Куо).  Бас билээччи—Н.Иванов, сүүрдээччи –А.Бояров, хомуһуола халлаан күөхтүҥү от күөҕэ, тренер –С.Васильев). Бу ат “Дербигэ” миэстэлэспитэ.  

7 №. Жирков («Чурапчы» ТХПК) – 6  саастаах тураҕас атыыр. (Аҕата –  Жирков, ийэтэ – Кимиэлчээнэ), бас билээччи – В.Макаров,  сүүрдээччи – А.Куличкин, хомуһуола сур, хараҥа халлаан күөҕэ сулустардаах, тренер –  Д.Осипов).

8 №. Кэрэл (Нам) – 6 саастаах тураҕас биэ, (Аҕата – Уэстерн Лайт, ийэтэ – Арылхана), бас билээччи – А.Назаров, сүүрдээччи—И.Иванов, хомуһуола от күөҕэ, маастар-тренер С.Ядреев). 

9 №. Марокко (Ньурба) – биэс саастаах хара тураҕас атыыр. (Аҕата – Брэнд Тайм, ийэтэ – Золушка, бас билээччи – М.Михайлов, тренерэ уонна сүрдээччитэ – К.Иванов, хомуһуола халлаан күөҕэ, маҥан сулустардаах). 

10 №. Сандал (Нам) –  4 саастаах тураҕас атыыр. (Аҕата –  Данк Шот, ийэтэ – Сальма, бас билээччи – К.Протопопов, сүүрдээччи –  И. Иванов хомуһуола сулустардаах от күөҕэ, маастар-тренер –С. Ядреев). 

Ити аҕыс ыраас хааннааҕы кытта икки булкаас сүүрүк хааннаах сырсар:

5 №. Арабика (Таатта, Чычымах) – 4 саастаах тураҕас биэ, Үһүс көлүөнэ. (Аҕата – Кремлин Стар, ийэтэ – Айыылаана), сүүрдээччи хомуһуола күөхтүҥү саһархай,   тренер –С.Васильев). 

6 №. Айнцер Гут (Мэҥэ Хаҥалас) – 5 саастаах тураҕас атыыр, бэһис көлүөнэ (Аҕата -- Со Фа Со Гуд, ийэтэ – Афродита), маастар-сүүрдээччи –В. Петров, хомуһуола  күөх сулустардаах маҥан, маастар-тренер –  В.Игнатьев).

Бу ипподрому иккитэ толору эргийиигэ эрийсии кытаанаҕа буолла. Бастаан Гут  инникилээбитэ. Кини иннигэр Кэрэл, Жирков түстүлэр. Аны Айсер сититэлээн Кэрэллиин кэккэлэстэ. Шот Жиркову ааста. Ол кэмҥэ Сандал бииртэн биирдэрин иннилэрин ылан, биэтэккэ бастакынан кэллэ.

1-кы миэстэ – Сандал (Нам). Бириэмэтэ – 3 мүн. 42.1. Бирииһэ – 125000 солк.

2-с миэстэ – Снайбер Шот (Мэҥэ Хаҥалас). Бириэмэтэ – 3 мүн. 45.3. Сүүйүүтэ – 75000 солк.

3-с миэстэ – Жирков (Чурапчы). Бириэмэтэ – 3.50.3. Бирииһэ – 50000 солк.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
Люба Готовцева:  «Киһи биир сиргэ тэпсэҥнии туруо суохтаах»
Дьон | 14.01.2022 | 20:54
Люба Готовцева: «Киһи биир сиргэ тэпсэҥнии туруо суохтаах»
Киһи олорорун тухары төһөлөөх элбэх киһини кытта билсэрэ, алтыһан ааһара буолуой?! Оттон суруналыыс буоллаххына, өссө элбэх киһини кытта көрсөҕүн, кэпсэтэҕин. Олоххор алтыспыт дьоҥҥун аны туран барыларын кытта сибээс туппаккын, ол эрэн искэр киллэрэн, олус үчүгэйдик саныы сылдьаҕын. Мин Любалыын, таптаан ааттыырбынан Любушкалыын, 2000 сыллар саҥаларыгар билсибитим. Онтон ыла хайдах эрэ...
Муус устар 10 күнүгэр диэри 100 саҥа оптуобус кэлиэҕэ
Сонуннар | 13.01.2022 | 16:00
Муус устар 10 күнүгэр диэри 100 саҥа оптуобус кэлиэҕэ
100 саҥа оптуобустан 65-һэ ЯПАК МУТ маршруттарынан, 10 – муниципальнай тэриллиилэр икки ардыларыгар сылдьыахтара, оттон 35 оптуобуһу «Союз Авто» кэмиэрсийэтэ суох тэрилтэ чааһынай таһааччылара ылаллар. Бу туһунан Олохтоох дьаһалта пресс-сулууспата иһитиннэрдэ.  «Организатор пассажирских перевозок» МХТ информациятынан, 100 саҥа тиэхиньикэ икки түһүмэҕинэн кэлэр. Бастакы баартыйа кулун тутар 27 күнүгэр диэри, иккис...
Евгений Григорьев Арассыыйа бэчээтин Күнүнэн эҕэрдэлиир
Сонуннар | 13.01.2022 | 11:58
Евгений Григорьев Арассыыйа бэчээтин Күнүнэн эҕэрдэлиир
Убаастабыллаах суруналыыстар, сонуннары киэҥник тарҕатар сириэстибэлэр үлэһиттэрэ! Олохтоох дьаһалта салалтатын уонна тус бэйэм ааппыттан эһигини Арассыыйа бэчээтин Күнүнэн эҕэрдэлиибин! Аныгы уопсастыбаҕа эһиги үлэҕит суолтатын сыаналыыр уустук: бары олох оргуйар үөһүгэр сылдьабыт – биһигини күн аайы үчүгэй уонна оччото суох сонуннар арыаллыыллар. Дьон үксэ сарсыардатын интэриниэт сонуннарыттан саҕалыыр, сүрүн суолталаах сонуннары...