10.07.2020 | 17:30

Ат уонна киһи - 5

Ат уонна киһи - 5
Ааптар: Киин Куорат

Үөһэттэн айдарыыларынан, өйдөрүнэн, эттэринэн-хааннарынан Айыылартан  алтыһыылара

Кэрэ аҥаардартан бастакы

2020 с. От ыйын 4 күнэ. Үһүс сүүрүү—1600 м. “Окс” улахан бириис оонньонно: 1-кы миэстэҕэ — 65 тыһыынча солк. 2-3 миэстэлэргэ 35 - 25 тыһыынча солк.  Спонсор –“Саха сирин тимир суоллара” АХ.

Үс саастаах биэлэргэ аналлаах. Биэс булкаас уонна ыраас сүүрүк боруодаттан мэҥэлэр күннээтилэр. Үс атынан үбү бэйэлэрэ үллэһиннилэр. Урукку өрөспүүбүлүкэ баһылыктарын  бириистэригэр бастыы сылдьыбыт атыырдар Нейко, Данк Шот оҕолоро биэтэккэ инники таҕыстылар. Эрдэттэн  Николь бастыа диэн билгэлээһини эрэллээхтик толордо. Кинини саталлаахтык сүүрдэн бастаппыт Оксана Игнатьева омук сиригэр кытта үлэлээн бастыҥ сүүрдээччинэн биллэн, дойдутугар кэлэн, төрөөбүт Мэҥэтин аатырда сылдьар Василий Игнатьев олоҕун аргыһа, ветврач идэтин ити ипподром аттынааҕы универститет академия эрдэҕинэ бүтэрбитэ. Кэргэннии Игнатьевтар билсиэхтэриттэн аттары кытта бииргэ үлэлээбиттэрэ уонтан тахса сыл буолла. Оксана Николы былырыыҥҥыттан сүүрдэр, хаамтарар. Тапсан дьүөгэлэспит. Иккиэн бэйэ-бэйэлэрин олус сөбүлэһэллэрэ билиннэ. “Николлыын ханна эбиэхтээҕин, ханна күүтүөхтээҕин бэркэ өйдөһөбүт, наһаа сымнаҕас  майгылаах”, – диэтэ. Ат истэн-көрөн, этинэн-хаанынан, сытынан-сымарынан кытта өйдүүр. 

Кэрэ аҥаар сүүрдээччи Саха сиригэр дэҥҥэ көстөр. Ньургуйаана Попова милииссийэлэр аттарын взводун сылгыларын сүүрдүөҕүттэн хас да кыыс холоно сылдьыбыттара. Бу субуотаҕа Оксаналыын  Наталья Тимофеева (Сунтаар) иккиэлэр.

Үс бастакы түспүт тиҥэһэлэр тураҕастар, көрүҥнэринэн да майгыннаһаллар.  Кэннилэриттэн көрдөххө – үүт-үкчүлэр. Ойоҕосторуттан нүөмэрдэринэн, иннилэриттэн Атланта  сүүһүгэр маҥан туоһахталааҕынан, сүүрдээччилэр хомуһуолларынан эрэ араараҕын. Егор Оконешников чааһынай тураҕаһа Атлантанан   уҥуоргу көнө ортотун диэки тиийиилэригэр Никольга ойоҕолоон, ыган көрдө. Ат устатын аҥаарыгар диэри киирэ сырытта. Онуоха анараата, иннин биэримээри, хамсанарын түргэтэтэн  биэрдэ. Ол да үрдүнэн Николь холку, өссө да эбэр кыахтаах курдук. Онтон ыла ойдоҕун аайы эккирэтээччилэртэн атыыта улаатан истэ. Николь түмүгэ – 1 мүн. 50.2.

Икки лидертэн тэйиччи үсүһүнэн сылдьыбыт тураҕас биэ Армада анараа көнө ортотуттан иккис миэстэҕэ сананна. Уонна Спид Старт кыыһа уҥуоргу эргииргэ Атлантаны ситэн ааста, иккис миэстэни былдьаһыыга бэриннэрдэ. Бириэмэлэрэ – 1 мүн. 52.5., 1.54.3.

Сонуннар

Ордук ааҕаллар

Коркинныы олоруохха, Коркинныы айыахха
Дьон | 10.09.2021 | 15:49
Коркинныы олоруохха, Коркинныы айыахха
Итинник угуйар-көҕүлүүр ааттаах хамсааһын  Дьокуускай куоракка “Строительнай” эргиэн киинигэр саха улуу саарынынан ситимнэнэр. ХХ үйэ чулуу киһитэ, Саха АССР үтүөлээх учуутала, ССРС, РСФСР, Саха АССР үтүөлээх тириэньэрэ, “Бочуот Знага” уонна “Октябрьскай өрөбөлүүссүйэ” уордьаннар кавалердара  Дмитрий Петрович КОРКИН үөрэнээччилэрэ XXI Олимпиадаҕа Чыпчаал ситиһиилэригэр ананан, улахан педагог буоларынан 2018 сылтан улахан тэрээһин күһүн...
Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Дьокуускай куорат мин харахпынан
Куорат олоҕо | 12.09.2021 | 10:00
Дьокуускай куорат мин харахпынан
Сахабыт сирин килбэйэр киинэ, тапталлаах куораппыт 389 сааһын томточчу туоларынан барыгытын эҕэрдэлиибит. Биһиги ааҕааччыларбытыттан Дьокуускай куорат дьон олороругар туох үчүгэйдээҕин уонна мөкү өрүттэрдээҕин ыйыталастыбыт.   Маргарита, 29 саастаах, маҕаһыын атыыһыта: Куорат кытыытынааҕы оройуоннары тоҕо сайыннарбаккыт? Куорат киинигэр түргэнник кэлэр-барар уустук. Уопсастыбаннай тырааныспары  уларытыахха уонна сайыннарыахха наада. Биһиги ааспыт үйэ 70-с...
Киин куорат  мураллара
Куорат олоҕо | 11.09.2021 | 13:17
Киин куорат мураллара
Кэнники аҕыйах сылга Дьокуускай дьиэлэрэ стрит-арт көмөтүнэн улаханнык уларыйдылар. Олохтоох уонна тас дойду худуоһунньуктара олус чаҕылхай, киһи өйүгэр хатанар ойууларынан куорат тас көстүүтүн киэргэттилэр. Хаһыаппыт бу нүөмэригэр 2016 сылтан Дьокуускайга оҥоһуллубут мураллары сырдатабыт.  Мурал – дьиэ эркинигэр эбэтэр иһигэр уруһуйданар уустук ойуу.   «Айыыһыт» Ханна баарый? Лермонтов уул., 56, Щорс...