Ас-үөл тэрилтэлэрэ урукку эрэсиимнэригэр төнүннүлэр
Саха сиригэр ураты бэлэмнээх буолуу эрэсиимэ 2021 сыл кулун тутар 1 күнүгэр диэри уһаата. Бу туһунан олунньу 15 күнүгэр өрөспүүбүлүкэ Ил Дарханын ыйааҕа таҕыста.
65-тэн үөһэ саастаах уонна олохсуйбут ыарыылаах дьон бэйэ изоляциятын эрэсиимин салгыы тутуһаллар. Өрөспүүбүлүкэ үгүс тэрилтэлэрэ дьиэттэн үлэлииллэр.
Уопсастыбаннай ас-үөл тэрилтэлэригэр 2020 сыл кулун тутар ыйыгар олохтоммут хааччахтааһын уһулунна. Бу тэрилтэлэр ковид иннинэ үлэлээбит эрэсиимнэригэр төнүннүлэр.
Банкет саалаларыгар 50-тан элбэх киһи сылдьара бобуллар. Аһыыр остуоллар 2 миэтэрэттэн тэйиччи туруохтаахтар. Оттон фуд-кортар аҥаардара эрэ туолуохтаах.
Букмекерскай хонтуоралар уонна быыстапкалар үлэлииллэрэ көҥүллэнэр.
Мааскалаах сылдьарбытын тохтоппоппут уонна социальнай тэйиччи туттуу быраабылаларын тутуһабыт.
Сонуннар
Ордук ааҕаллар
