01.12.2022 | 17:00

Арыгы атыытыгар хааччахтааһын киллэриллэр

Саха сиригэр элбэх кыбартыыралаах олорор дьиэлэргэ уонна олор аттыларыгар арыгы бородууксуйатын атыылааһыҥҥа саҥа хааччахтары киллэрэргэ бэлэмнииллэр.
Арыгы атыытыгар хааччахтааһын киллэриллэр
Ааптар: Киин Куорат
Бөлөххө киир

Эбии хааччахтар киирдэхтэринэ, Дьокуускайга атыылыыр саалалаах 72 туочука (наливайкалар) сабыллыаҕа. Норуот дьокутааттара маныаха сыһыаннаах сокуону сэтинньи 23 күнүгэр Игорь Григорьев бэрэссэдээтэллээх Судаарыстыбаннай Мунньах (Ил Түмэн) предпринимательствоҕа, туризмҥа уонна инфраструктураны сайыннарыы бастайааннай кэмитиэтин мунньаҕар көрдүлэр.

“О внесении изменения в Закон Республики Саха (Якутия) "Об установлении дополнительных ограничений времени, условий и мест розничной продажи алкогольной продукции в Республике Саха (Якутия)" 522-6 №-дээх СӨ сокуонун бырайыага норуот дьокутааттара Игорь Григорьев, Антонина Григорьева, Владимир Прокопьев, Юрий Николаев, Павел Петров, Андрей Дороган, Феодосия Габышева, Андрей Находкин, Аркадий Семенов көҕүлээһиннэринэн оҥоһуллубута.

Бастайааннай кэмитиэт бэрэссэдээтэлэ Игорь Григорьев быһаарбытынан, 171 №-дээх ФЗ 16 Федеральнай сокуонун 4.1 ыстатыйатын үһүс пуунугар олоҕуран, "О государственном регулировании производства и оборота этилового спирта, алкогольной и спиртосодержащей продукции и об ограничении потребления (распития) алкогольной продукции" Арассыыйа субъектара элбэх кыбартыыралаах дьиэлэргэ эбэтэр кинилэртэн чугас арыгы бородууксуйатын атыытыгар уопсастыбаннай аһылыгы атыылыыр эбийиэктэргэ дьон сылдьарыгар саала иэнин улаатыннарыыга региональнай сокуонунан эбии хааччахтары киллэрэр бырааптаахтар. Ил Түмэн Судаарыстыбаннай Мунньаҕын аатыгар саала иэнин улаатыннарыыга, кэҥэтиигэ этии Дьокуускай куорат олохтоох дьаһалтатыттан, куорат олохтоохторо үгүс көрдөһүүлэрин түмүгэр киирбитэ.

 

Куорат киинигэр атыы иэнин болуоссатын 75 кв. миэтэрэнэн бигэргэтэргэ диэн этии киирдэ, өрөспүүбүлүкэ атын нэһилиэнньэлээх пууннарыгар— 50 кв. миэтэрэ. Өскөтүн маннык иэн көҥүллээбэт буоллаҕына  — тэрилтэттэн лицензияны ылаллар.

 

Игорь Григорьев бэлиэтээбитинэн, Дьокуускайга бу сокуонунан 72 атыылыыр саалалаах туочука (наливайка) сабыллар кыахтанар.

Билиҥҥи сокуоҥҥа олоҕуран, элбэх кыбартыыралаах дьиэлэргэ, олор аттыларыгар баар атыы эбийиэктэригэр дьон сылдьарыгар иэнэ 20 кв. миэтэрэ диэн.

 

Сокуон күүһүгэр киирдэҕинэ, пиибэ атыыта бобууга эмиэ түбэһэр.   

 

СӨ предпринимательствоҕа, атыыга уонна туризмҥа миниистирин бастакы солбуйааччы Максим Карбушев иһитиннэрбитинэн, болуоссат иэнин боппуруоһа араас балаһааккаҕа барытыгар дьүүллэһиллибитэ, ол иһигэр урбаанньыттар форумнарыгар. Бу сокуон бырайыагар толоруулаах былаастар интэриэстээх уорганнарыттан сөптөөх, кэлим сыанабылы хайаан да ылыахха наада диэн эттэ.

Сокуон бырайыагын дьүүллэһиигэ Игорь Григорьев “Опора России” дьоҕус уонна орто урбаан Арассыыйатааҕы уопсастыбаннай тэрилтэтин Дьокуускайдааҕы региональнай салаатын уонна СӨ ыалдьытымсах буолуу Ассоциациятын санаатын эттэ. Анал кэмитиэккэ аадырыстаан ыыппыт суруктарыгар, регион дьоҕус уонна орто урбаанын интэриэстэрин көрөр уопсастыбаннай тэрилтэ бэрэстэбиитэллэрэ, Дьокуускайга элбэх кыбартыыралаах дьон олорор дьиэлэригэр баар аһыыр туочукалар иэннэрин болуоссатын 75 кв. миэтэрэ оннугар 50 кв. миэтэрэҕэ диэри улаатыннарарга көрдөһөллөр.

Бу куорат уопсастыбаннай аһылыгын сэттэ тэрилтэтин үлэтин хаалларыа этэ дииллэр. Маны таһынан, сурукка сокуон быһыытынан бобууга түбэһэр элбэх кыбартыыралаах дьиэлэргэ баар уопсастыбаннай аһылык тэрилтэлэрэ үлэлииллэрин хааччыйарга, урут бэриллибит лицензиялара болдьоҕо бүтүөр диэри арыгы бородууксуйатын атыылыылларын көҥүллүүргүтүгэр диэн этии киллэрэллэр.

Олохтоох дьаһалта бобууга түбэһэр үтүө суобастаах урбаанньыттары кытта үлэлиэхпит, кинилэр салгыы сайдалларыгар көмөлөһүөхпүт диэн эппитин учуоттаан, өрөспүүбүлүкэ норуодунай дьокутааттара куорат этиитин өйөөтүлэр уонна Саха сирин парламеныгар сокуон бырайыагын бастакы ааҕыыга көрөллөрүгэр сүбэлээтилэр.

Маны таһынан мунньахха арыгы атыылааһынын олоччу бобор туһунан сокуон бырайыагын көрдүлэр уонна өйөөтүлэр, онно өрөспүүбүлүкэ 12 нэһилиэгэ киирдэ: Хаҥалас, Сунтаар, Уус Алдан, Кэбээйи, Ленскэй, Дьааҥы, Нам, Үөһээ Бүлүү, Таатта улуустара.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...