11.08.2020 | 03:13

Арктикатааҕы университет куораты көҕөрдүүгэ

Арктикатааҕы университет куораты көҕөрдүүгэ
Ааптар: Киин Куорат

   Кыыс кэрэ Туймаада туонатыгар Арктикатааҕы судаарыстыбаннай агротехнологическай университет (ректор Иван Иванович Слепцов) агрономия уонна химия кафедратын сэбиэдиссэйэ, доцент, тыа хаһаайыстыбатын наукатын кандидата Наталья Алексеевна Слепцова салайыытынан аныгы “Агробизнес” хайысхатынан агрономнары үөрэтэн таһаарар.

Бу кафедраҕа агроном идэтигэр үөрэммит устудьуоннар тыа хаһаайыстыбатын араас салааларыгар уонна агрохайысхалаах оскуолаларга идэлэринэн ситиһиилээхтик үлэлии сылдьаллар. Магистратураҕа үөрэнэр устудьуоннар научнай хайысханан үөрэхтэрин салгыыллар.

Университет базатыгар баар тэпилииссэлэргэ саас биир сыллаах сибэкки арааһыттан уонна оҕуруот аһыттан арассаадалары үүннэрэн, куорат олохтоохторугар, тэрилтэлэргэ анаан арассаада атыылыыллар.

Ааспыт сылга кафедра иһинэн кыһыннары үлэлиир 300 м2 иэннээх сылаас тэпилииссэни тутан үлэҕэ киллэрбиттэр.

Онон тыа хаһаайыстыбатын наукатын кандидата, доцент, уопуттаах сибэкки үүннэрээччи, овощевод Светлана Афанасьевна Владимирова салайыытынан биир сыллаах үүнээйилэр, сибэккилэр арассаадаларын олордон, сайыҥҥы кэмҥэ киин куораппытыгар көҕөрдүү үлэтэ ыытылларыгар уонна тупсаҕай, кыраһыабай, кэрэ көстүүлээх буоларын туһугар бэйэлэрин сэмэй кылааттарын киллэрэллэр.

Университет хас  сыл аайы преподавателлэр уонна устудьуоннар көмөлөрүнэн 150 тыһыынча арассааданы үүннэрэр. Ааспыт сылга куораты тупсарыы уонна көҕөрдүү куонкуруһугар кыайыылааҕынан тахсан, куорат улахан эбийиэктэригэр, ол курдук, Орджоникидзе, Кыайыы болуоссаттарыгар, “Солдат Туймаады” уонна “Ийэҕэ” аналлаах сквердэргэ, куорат уокуруктарыгар дьэрэкээн өҥнөөх сибэккилэри олордубуттара кэрэ көстүү буолан, куораты киэргэтэр.

Онтон бу сылга эмиэ тустаах куонкуруска кыайыылааҕынан тахсан, Дьокуускай куорат бэлиэ сирдэригэр, Ленин уонна Комсомольскай болуоссаттарга, “Умуллубат уот” скверигэр, Семен Дежнев пааматынньыгар, Чиряев скверигэр, Автодорожнай уокурук территориятыгар, онтон да атын сирдэргэ 50 тыһыынча кэриҥэ биир сыллаах сибэкки арааһын олортулар.

Инникитин университет куораты көҕөрдүүгэ уонна тупсарыыга ылыммыт былаана киэҥ. Ааспыт сылга манна садовай-парковай уонна ландшафтнай (ландшафтнай архитектура) тутууга аналлаах  саҥа, сонун хайысха арыллыбыт. Онон кэлэр да сылларга куораппытыгар көҕөрдүү үлэтэ агротехнологическай университет көмөтүнэн тупсаҕай, кэрэ көстүүлэниэ диэн эрэнэбит.

Сонуннар

Ордук ааҕаллар

Төлөн: «Кэрэни туойарбыттан дуоһуйабын»
Дьон | 18.06.2021 | 19:46
Төлөн: «Кэрэни туойарбыттан дуоһуйабын»
Бу күннэргэ балаһабар дьоруой көрдөөн биир дойдулаахпар, буолаары буолан ийэм төрөөбүт сириттэн төрүттээх, Өнөр Эбэтэ дуо дэппит Уус Алдан улууһун биир кэрэ-мааны айылҕалаах, дьэдьэн, хаптаҕас силигилии үүнэр, сардаана сибэккинэн симэммит алаастардаах, лэһигирэс көмүс хатырыктааҕынан аатырбыт Өнөртөн төрүттээх киһини дьүөгэм булан биэрдэ. Онон, билсиҥ, хоһоон хонуутугар хорутуулаахтык суруйар, оһохчут быһыытынан улууһугар...
Станислав Свинобоев Бухарестка уһаарыллыыта
Спорт | 11.06.2021 | 10:24
Станислав Свинобоев Бухарестка уһаарыллыыта
Станислав Свинобоев Бухарестка уһаарыллыыта Мэҥэ Хаҥаластан төрүттээх, 18 саастаах Станислав Свинобоев саас Иркутскайга 21-гэр диэри саастаахтарга көҥүл тустууга  Арассыыйа чемпиона буолбута. Итинник түһүлгэттэн кыһыл көмүс мэтээл кэлбэтэҕэ 11 сылыгар  эбиитин орто ыйааһыҥҥа  70 кг аҕалыыта уонна атырдьах ыйыгар Башкортостан киинигэр Уфаҕа ыытыллыахтаах аан дойду 21-гэр диэри саастаахтарга чемпионатыгар Арассыыйа чиэһин...
Киин куоракка коррупцияны утары научнай-практическай конференция ыытыллар
Сонуннар | 17.06.2021 | 18:30
Киин куоракка коррупцияны утары научнай-практическай конференция ыытыллар
Дьокуускайга бэс ыйын 16-17 күннэригэр коррупцияны утары судаарыстыбаннай политика тыын боппуруостарыгар научнай-практическай конференция буола турар.  Конференция онлайн көрүҥүнүнэн барар. Дискуссионнай балаһааккаҕа судаарыстыбаннай былааска уонна олохтоох бэйэни салайыныы уорганнарыгар коррупцияны уонна сокуону кэһиини сэрэтэр сыаллаах салаалар бэрэстэбиитэллэрэ Уһук Илин регионнарыттан кытталлар. Конференцияҕа кыттаары Дьокуускайга РФ Президенин Управлениетын уонна РФ Президенин Уһук...
Рекорд үөһэ рекорд!
Спорт | 11.06.2021 | 10:29
Рекорд үөһэ рекорд!
Аатырбыт дэгиттэр спортсмен  Василий Николаев кэриэһигэр атах оонньууларыгар өрөспүүбүлүкэ чемпионата элбэх саҥа рекордааҕынан историяҕа киирдэ. Өрөбүллэргэ  «Туймаада» стадиоҥҥа 13 улуус,   Дьокуускай, ХИФУ,   АГАТУ ааттарыттан 40 спортсмен  кытынна. Биир  ыйынан  Манчаары оонньуулара буолаары турарынан, спортсменнар эрчиллиилэрин күүһүрдүбүттэрэ ырааттаҕа.   ЯПК 1 кууруһун устудьуона, сабыылаах сиргэ күрэхтэһиигэ өрөспүүбүлүкэ рекордсмена  Валерия Олесова үс көрүҥ...