09.02.2023 | 16:00

Арассыыйа Кубога түмүктэннэ

Арассыыйа Кубога түмүктэннэ
Ааптар: Баһылай ПОСЕЛЬСКАЙ
Бөлөххө киир

Дьокуускайга Ил Дархан бирииһигэр саахымакка Арассыыйа Кубогын бастакы этааба нэдиэлэ устата ыытыллан түмүктэннэ. Биэс гроссмейстер кэлэн кыттыыны ылан, күрэхтэһиини киэргэттилэр.

Күүтүллүбүтүн курдук, дойду күүстээх саахыматчыттара ааттарын-суолларын түһэн биэрбэтилэр. Интэриэһинэй, сытыы оонньуулары көрдөрдүлэр. Ааспыт сыллааҕы Кубок кыайыылааҕа Борис Грачев бу да сырыыга кыайыыны ситистэ. 16 саастаах Володар Мурзин – иккис, оҕолорго Арассыыйа сүүмэрдэммит хамаандатын сүрүн тренерэ Михаил Кобалия үһүс бириистээх миэстэлэргэ тигистилэр уонна өйдөбүнньүк мэтээллэри уонна улахан чорооннору сэргэ, туһааннааҕынан 200, 150 уонна 120 тыһ.солк. сертификаттарынан наҕараадаланнылар.

Бурятия гроссмейстера Антон Шомоев төрдүс, Хабаровскай маастара  Олег Рычков бэһис, итинтэн салгыы Сахабыт сирин маастардара Дмитрий Егоров, Денис Назаров, Нариман Мустафин, Крым Өрөспүүбүлүкэтин гроссмейстера Дмитрий Кряквин, Дьокуускай куорат саахыматчыттара Арсений Чумаевскай, Альберт Постников 12 бастыҥ саахыматчыт кэккэтигэр киирдилэр.

Саахымат сайдыытыгар уонна Кубок күрэхтэһиитин тэрийиигэ көхтөөх кыттыыларын иһин Анатолий Карпов аатынан Дьокуускайдааҕы Оҕо дыбарыаһа 300 тыһ.солк уонна Үөһээ Бүлүү саахыматка Федерацията 200  тыһ.солк. сертификаттарынан наҕараадаланнылар. Арассыыйа саахымакка федерациятын толорооччу дириэктэрин солбуйааччы, саахымат учебниктарын ааптара Владимир Барскай “Кыраһыабай партия иһин” бирииһи Олег Рычковка уонна Василий Романовка туттартаата. Анал бириистэри анаата.

Арассыыйа Кубога умнуллубат өйдөбүлү хаалларда. Тохсунньу торулуур тымныытыгар таһырдьа кыраадыс -52 тиийэн турдаҕына гроссмейстердар Михаил Кобалия уонна Володар Мурзин оонньообут партиялара Гиннесс рекордугар киллэриллэригэр этии  оҥоһулунна. Итиэннэ мантан ыла сылын ахсын тохсунньу ыйга Арассыыйа Кубогын бастакы түһүмэҕэ Дьокуускайга ыытыллыаҕа. Онон Сахабыт сиригэр саахымат сайдар кэскилэ улахан. Бу туһунан Саха Өрөспүүбүлүкэтин Ил Дархана Айсен Николаев бэйэтин эҕэрдэтигэр иһитиннэрдэ.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...