12.06.2020 | 08:04

Арассыыйа күнүнэн!

Арассыыйа күнүнэн!
Ааптар: Киин Куорат
Бөлөххө киир

Күндү тапталлаах куораппыт олохтоохторо, биир дойдулаахтарым!

Бүгүн биһиги дойдубут – Арассыыйа төрөөбүт күнүн бэлиэтиибит.

1990 сыллаахха бэс ыйын 12 күнүгэр РСФСР судаарыстыбаннай суверенитетын Декларацията ылыныллыбыта, билиҥҥи Арассыыйа төрүттэммитэ. Онон бүгүн дойду уопсастыбаннай-политическай уларыйыыларын бэлиэтиир, хас биирдии киһи Ийэ дойдутугар бэриниилээх буолуутун көрдөрөр күн. Судаарыстыба бигэ туруга, сайдыыта дойду хас биирдии олохтооҕун, норуоттарын көдьүүстээх, түмсүүлээх үлэтиттэн тутулуктаах.

Улуу Арассыыйа хас биирдии олохтооҕо Ийэ дойдутун билиҥҥи олоҕор, инники кэскилигэр бэйэтин кылаатын киллэрэр. Оттон биһиги баай историялаах, дириҥ култууралаах дойдуга олорорбутунан киэн туттабыт.

Билигин пандемия ыарахан кэмигэр олоробут. Бу ыарыыттан тыһыынчанан киһи доруобуйата айгыраата, мөлүйүөнүнэн ахсааннаах дьон олоҕо уларыйда, экономика бары эйгэтэ эмсэҕэлээтэ. Уустуктары дьаныардаах үлэбитинэн, бэйэ-бэйэбитин өйөөн, сомоҕолоһон туоруохпут диэн бигэ эрэллээхпит. Экономика, промышленнас, социальнай эйгэ, предпринимательство чөлүгэр түһүөҕэ.

Бука барыгытын дойдубут – аныгы Арассыыйа төрөөбүт күнүнэн эҕэрдэлээн туран, күөх халлааны, бигэ туругу, самныбат санааны, кытаанах доруобуйаны баҕарабын! Бырааһынньыгынан, күндү доҕоттор! Арассыыйа күнүнэн!

Дьокуускай куорат баһылыга Сардаана Авксентьева

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...