07.05.2024 | 14:05

Арассыыйа чемпионатыттан өр күүтүллүбүт мэтээллэр!

Арассыыйа чемпионатыттан өр күүтүллүбүт мэтээллэр!
Ааптар: Баһылай ПОСЕЛЬСКАЙ
Бөлөххө киир

Москва аннынааҕы Одинцово куоракка түмүктэммит Арассыыйа чемпионатыттан Сахабыт тустууктара өр кэтэһиллибит мэтээллэри аҕалтаатылар.

Тустууга ыалдьааччылар ютуб ханаалынан хапсыһыылары көрөммүт, бары да улахан астыныыны-дуоһуйууну ыллыбыт. Ол курдук, иллэрээ сыл Аллараа Бэстээххэ Николай Тарскай аатынан өрөспүүбүлүкэ чемпионатыгар улахан дьоҥҥо чөмпүйүөннээн үгүстэри соһуппут, бу аҕыйах хонуктааҕыта Арассыыйа ыччаттарын чемпионатыгар кыһыл көмүс мэтээли ылары ситиспит Сунтаар 20 саастаах эдэркээн бөҕөһө Лев Павлов, чахчы, кыахтааҕын  итэҕэтэн, Арассыыйа улахан дьоҥҥо чемпионатыгар 57 кг үрүҥ көмүс мэтээл хаһаайына буолла. Олимпийскай ыйааһыҥҥа барыллааһын хапсыһыыларга биир дойдулааҕа Уйгулаан Иванову 4:0, Тываттан Аяндайы 6:2 хотуталаан баран, Арассыыйа икки төгүллээх призера, Европа үрүҥ көмүс призера тувинец Начын Монгуштуун киирсиилэригэр хотторон иһэн, тиһэх сөкүүндэлэргэ “кочерга” диэн Олимпийскай чөмпүйүөн Павел Пинигин таптаан туттар албаһыгар түбэһиннэрэн, бэйэтин нөҥүө быраҕан, 2:2 бүтэһик баалы ылан кылбар кыайыыны ситистэ. Финалга тахсар иһин күөн көрсүһүүгэ Арассыыйа итиэннэ Иван Ярыгин боруонса призера дагестанец Муса Мехтихановы 2-1 баһыйа тутта уонна финалга Дагестан күүстээх маастара – аан дойду уолаттарын чөмпүйүөнэ, аан дойду ыччаттарын боруонса призера, улахан дьоҥҥо Арассыыйа үрүҥ көмүс уонна боруонса медалиһа Ахмед Идрисовы утары таҕыста! Лев Павлов аата да этэрин курдук, күүстээх утарсааччытыттан толлубакка, харааныттан хахай хаанын киллэрэн хапсыһыыны саҕалаата. Утарсааччытын икки илиитин хам тутан “прогибтаан” эрдэҕинэ, түһүлгэ 24 саастаах уопуттаах бөҕөһө Идрисов утары албаһы оҥорон, кэннигэр таҕыста, салгыы синньигэс биилиттэн тута сылдьан эргитэлээн, көрсүһүүнү 6:0 оҥоро оҕуста. Иккис түһүмэххэ Лев Павлов көхтөөхтүк үлэлээн көбүөртэн таһааран 1 баалы, онтон кэннигэр тахсан икки баалы ылаттаата, салгыы эмиэ кэннигэр тахсан истэҕинэ, бириэмэлэрэ бүтэн хаалла. Арассыыйа үрүҥ көмүс мэтээлин хаһаайына буолла! Халыҥ ааттаах-суоллаах бөҕөстөрдүүн тэҥ, сытыы, сэргэх хапсыһыылары көрдөрдө! Тренерэ аан дойду чөмпүйүөнэ Герман Контоев.

Дьааҥыттан Виктор Яковлев 61 кг боруонса мэтээлгэ тиксиитэ эмиэ улахан ситиһии. Тренерэ бэйэтин кэмин биллиилээх бөҕөһө Николай Рожин. Дьахталларга Нерюнгриттэн Евгения Огородникова эмиэ үһүс бириистээх миэстэҕэ тигистэ. Тренерэ Ким Колодезников.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...