09.10.2020 | 11:40

Арассыыйа чемпионатыгар хаардыы хаамтылар

Арассыыйа чемпионатыгар хаардыы хаамтылар
Ааптар: Киин Куорат

Cаха сирин дуобатчыттара Аар саары, Арассыыйаны айбардаабыттара ыраатта. Дойду быйылгы саамай улахан түһүлгэтигэр барыта холбоон 29 мэтээли ыллылар.

Ити түһүлгэ балаҕан ыйын 21 күнүттэн алтынньы 1 күнүгэр диэри Москва куорат Одинцовскай оройуонун Покровское сэлиэнньэригэр ыытылынна. Дуобакка Арассыыйа чемпионатыгар уонна эдэрдэргэ дойду үрдүнэн биирдиилээн-хамаанданан бастыыр иһин күрэхтэһиигэ биһиги спортсменнарбыт күннээтилэр. Барыта 9 кыһыл көмүс, 8 үрүҥ көмүс, итиэннэ 12 боруонса мэтээллэри ыллылар.

Нуучча дуобатыгар эр дьоҥҥо

Саамай күүстээхтэр классикаҕа оонньуулларыгар аан дойду элбэх төгүллээх чемпиона, гроссмейстер  Гаврил Колесов бу да сырыыга тэҥнээҕин булбата. 

Классикаҕа эр дьоҥҥо Гаврил Колесов, Николай Стручков, Николай Гуляев хамаанданан  кубогы туттулар уонна үһүөн кыһыл көмүс мэтээли кэттилэр.

Аан дойду хас да төгүллээх чемпиона Николай Стручков чаҕылҕанныы оонньууга бастаата уонна түргэн киирсиигэ иккис түмүктэри ситистэ.

Дьахталлар нуучча дуобатыгар

Классикаҕа Ньургуйаана Азарова, Дайаана Кондратьева хамаанданан пьедестал иккис үрдэлигэр таҕыстылар.

Классикаҕа Ньургуйаана Азарова, түргэн оонньууга  Сандаара Апросимова, чаҕылҕанныы оонньууга Альбина Большакова – үһүөн боруонса мэтээллэргэ тигистилэр.  

Сүүс харахтаах дуобакка

Классикаҕа дьахталларга  Матрена Ноговицына  кыһыл көмүс мэтээли эбинэн, Арассыыйа биир күүстээҕэ буоларын өссө төгүл итэҕэттэ. Хамаанданан Матрена Ноговицына, Аяника Колодезникова Саха сирин иккис миэстэҕэ таһаардылар.

Дьахталларга ити аан дойдутааҕы дуобакка түргэн оонньууга Сандаара Апросимова  үрүҥ көмүс, Тунаара Федорова боруонса призердарынан буолан, Матрена наҕараадатын толору комплегынан ситэрдилэр.

Чаҕылҕанныы оонньууга  Сандаара Апросимова өссө биир  боруонсанан байытта.

Эдэрдэргэ, оҕолорго  

Сүүс харахтаах дуобакка 17-гэр диэри саастаахтарга, классикаҕа Айсен Егоров бастаата.

Хамаанданан кинини кытта  Ньургун Куличкин, Марианна Федорова үһүс буоллулар.

20-гэр диэри саастаахтарга: кыргыттарга пьедесталга сахалар эрэ таҕыстылар. Маҥнайгы ортоку үрдэлгэ Елена Кычкина, кини уҥа өттүгэр Альбина Большакова, хаҥас  Алина Кардашевская турдулар. Уолаттарга Максим Павлов үрүҥ көмүс мэтээллэннэ.

27-гэр диэри саастаахтарга: Ксения Нахова кыһыл көмүһү ылан үөрдэ. Ити силигин  түргэн оонньууга Айсен Егоров  үрүҥ көмүһүнэн, Марианна Федорова боруонсатынан толору комплект оҥордулар.

Хамаанданан Айсен Егоров, Ньургун Куличкин, Марианна Федорова  иккис элбэх очукуоланнылар. 20-гэр диэри кыргыттарга Елена Кычкина – боруонса.

Нуучча дуобатыгар эдэрдэргэ 27-гэр диэри саастаахтарга Ксения Нахова  икки кыһыл көмүс мэтээли кэттэ.

17-гэр диэри чаҕылҕанныы оонньуу: Алексей Большаков – кыһыл көмүс, Сандаара Апросимова – боруонса.

Хамаанданан оҕолорбут эмиэ инники таҕыстылар. Алексей Большаков, Айсен Егоров, Сандаара Апросимова – кыһыл көмүс мэтээллэри эбиннилэр.

20-гэр диэри: Николай Григорьев – боруонса, Елена Кычкина – кыһыл көмүс, Алина Кардашевская – боруонса.

27-гэр диэри саастаахтарга Ксения Нахова үһүс мэтээлин – боруонсанан толордо.

Алексей Иванович Григорьев, Виталий Михайлович Пестряков хамаанда чилиэннэригэр “YakutianSport” саҥа спортивнай көстүүмү туттарбыттара махталлаах.

Турцияҕа аан дойгу түһүлгэтигэр 

Дуобатчыттар бу күннэргэ Турция Измир куоратыгар аан дойду чемпионатыгар кытта көттүлэр. Аны онтон мэтээллэри хомуйан кэлэллэригэр баҕарыаҕыҥ. 

Сонуннар

Ордук ааҕаллар

Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Үөрүүлээх түгэни - дьоһун көстүүлээх
Сонуннар | 05.08.2022 | 10:51
Үөрүүлээх түгэни - дьоһун көстүүлээх
Үөрэх дьыла чугаһаабытынан, бэйэбит үөрүүбүтүн үллэстэргэ сананныбыт. Ол курдук, быйыл Кэбээйи улууһун Мукучу нэһилиэгэр улахан оскуола дьиэтэ тутуллубута 90 сылын кэлэктиип туох эрэ ураты көстүүлээх көрсүөхтээх диэн быһаарыы ылынан, саҥа сахалыы истииллээх таҥас сакаастаан тиктэрбиппит. 
Минньигэстик аһааҥ
Тускар туһан | 05.08.2022 | 10:00
Минньигэстик аһааҥ
Сибиэһэй оҕуруот аһа дэлэгэй эрдэҕинэ, боростуой, минньигэс уонна битэмииннээх салааттарда астанан хаалыаҕыҥ.
Бэлисипиэт спордун күнэ тэриллиэҕэ
Куорат олоҕо | 05.08.2022 | 16:00
Бэлисипиэт спордун күнэ тэриллиэҕэ
Дьокуускайга бэлисипиэт спордун тарҕатааччылар түмсүүлэрэ таһаарыылаахтык үлэлээн эрэр. Аҕыйах хонуктааҕыта кинилэр куорат баһылыга Евгений Григорьевы кытта куоракка Бэлисипиэт спордун күнүн ыытарга сүбэлэстилэр.