15.06.2021 | 13:30

Арассыыйа бырабыыталыстыбата ойуур баһаардарын кытта охсуһууга 2,7 миллиард солкуобайтан ордук үбү көрдө

Арассыыйа бырабыыталыстыбата ойуур баһаардарын кытта охсуһууга  2,7 миллиард солкуобайтан ордук үбү көрдө
Ааптар: Киин Куорат

РФ премьер-миниистирэ Михаил Мишустин регионнарга ойуур баһаардарын кытта охсуһууга 2,7 миллиард солкуобайтан ордук үбү көрөр туһунан дьаһалга илии баттаата. Ол туһунан РФ бырабыыталыстыбатын пресс-сулууспата иһитиннэрэр. 


«2,7 миллиард солкуобайтан ордук үп регионнарга баһаары кытта охсуһууга эбии бэриллиэҕэ. Итинник дьаһалга бырабыыталыстыба бэрэссэдээтэлэ Михаил Мишустин илии баттаата. Итинтэн улахан аҥара - 1,9 миллиард солкуобай баһаар күөдьүйүүтүн быһаччы суох оҥорууга барыаҕа. Харчыны ордук уустук балаһыанньалаах дойду 25 региона ылыаҕа», - диэн этиллэр пресс-сулууспа иһитиннэриитигэр.
Онтон ордубут харчы сиринэн уонна халлаантан ойуур баһаара тахсыбатын курдук кэтээн көрүүнү тэрийиигэ ыытыллыаҕа. 
Ойуур баһаардарын кытта охсуһууга резервэ пуондуттан эбии харчыны тыырар боппуруос бэс ыйын 10 күнүгэр бырабыыталыстыба мунньаҕар көрүллэн биһирэммитэ.

Сонуннар

Ордук ааҕаллар

«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Манчыык куһу иитии кистэлэҥнэрэ
Дьон | 05.05.2022 | 17:00
Манчыык куһу иитии кистэлэҥнэрэ
Кус сезона саҕаланан, булчуттар халлааны кыҥыы сылдьар буоллулар. Дьиэ ис-тас үлэтин үмүрүтэ охсор, бултуу барарга дьиҥнээх көҥүл ылаары, кэрэ аҥаардарын иннигэр-кэннигэр илэмэ-салама түһэр уоттаах-күөстээх күннэрэ үүннүлэр.   Саха сиригэр былырыыҥҥыттан тыыннаах манчыык кустаах бултуур муода кэллэ. Дьиҥэ, нуучча сиригэр бу балачча тарҕаммыт ньыма эбит. Тыыннаах кустаах бултуур быдан астыгын, булт өлгөм...
«Александр Самсонов – Улуу Кыайыы ырыаһыта»
Сонуннар | 06.05.2022 | 18:00
«Александр Самсонов – Улуу Кыайыы ырыаһыта»
Ыам ыйын 12 күнүгэр 15.00 чаастан, Саха сирин норуоттарын муусукатын уонна фольклорун музейыгар, Улуу Кыайыы күнүгэр анаммыт «Александр Самсонов – Улуу Кыайыы ырыаһыта»  быыстапка аһыллыыта буолар. Үөрүүлээх тэрээһиҥҥэ РФ үтүөлээх артыыһа, Саха АССР норуодунай артыыһа, Дьокуускай куорат Бочуоттаах гражданина Александр Парфеньевич Самсонов бэйэтэ кыттар. Дьоро киэһэни «Туймаада» Судаарыстыбаннай вокальнай ансаамбыл...