02.07.2021 | 11:30

Ангелина Шавейко – Биир Кэлим Эксээмэҥҥэ икки бүк 100 баалы ылла

Ангелина Шавейко – Биир Кэлим Эксээмэҥҥэ икки бүк 100 баалы ылла
Ааптар: Киин Куорат
Бөлөххө киир

От ыйын 1 күнүгэр БКЭ биологияҕа эксээмэнин түмүктэрэ билиннэ. Саха сирин биологияҕа БКЭ историятыгар аан бастакы төгүлүн Нерюнгри куорат С.С.Каримова аатынан оскуолатын бүтэрээччи Ангелина Шавейко 100 баалга туттарбыт. 
2021 сылга Ангелина икки бүк сүүс бааллаах буолбут. Ол курдук кини ити иннинэ химияны эмиэ 100 баалга туттарбыт. Нуучча тылыгар 92  бааллаах. 
«Естественнэй-научнай хайысха5а интириэс гимназия5а үөрэнэр сылларбар мэлдьи баар этэ. Мин биологияҕа, химияҕа уонна экологияҕа олимпиадаларга кыттан призердааччыбын.  Химияҕа үөрэппит учууталларбар - Тамара Григорьевна Самохваловаҕа, Татьяна Равильевна Мустафинаҕа, 5 кылаастан биологияҕа үөрэппит Маргарита Ивановна Сувороваҕа улахан махталбын тириэрдэбин. Үөрэнэр сылларбар ылбыт билиилэрим талбыт идэбэр туһалаах буолуохтара диэн эрэнэбин», - диэн кэпсиир Ангелина.
Үөрэнээччилэрин үрдүк ситиһиилэригэр учууталлара олус үөрдүлэр. «Гимназист үөрэҕин олугунан тус үөрэнэр былаана буолар. Былаан быһыытынан оҕолор 1-11 кылаастарга үөрэх таһынааҕы дьарыктары, онтон 10-11 кылаастарга предмети үөрэтэр таһымнарын бэйэлэрэ талаллар.  Үрдүкү кылааска Ангелина биологияны уонна химияны дириҥэтэн үөрэппитэ, уруок таһынан эбии дьарыктаммыта. Теорияҕа уонна практикаҕа үрдүк таһымы биологияҕа, химияҕа уонна экологияҕа Бүтүн Арассыыйатааҕы олимпиадаларга кыттан ситиспитэ. Ол курдук 2021 сылга Ангелина биологияҕа Бүтүн Арассыыйатааҕы олимпиада өрөспүүбүлүкэтээҕи түһүмэҕэр призердаабыта. Кини баҕаран туран үөрэнэр, кыһаллар, үлэһит, туруоруммут сыалын ситиһэргэ дьулуһар», - диэн биология учуутала Маргарита Ивановна Суворова санаатын үллэһиннэ.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...