22.02.2022 | 12:00

Амбулатория киинин нөҥүө 16 тыһыынчаттан тахса киһи ааста

Амбулатория киинин нөҥүө 16 тыһыынчаттан тахса киһи ааста
Ааптар: Киин Куорат
Бөлөххө киир

Үс нэдиэлэ устатыгар «Триумф» спорткомплексыгар арыллан үлэлээбит амбулатория киинигэр  16 тыһыынчаттан тахса киһи сырытта. Бу туһунан регионнааҕы доруобуйа харыстабылын Министиэристибэтин пресс-сулууспата иһитиннэрдэ. 
 Амбулатория киинэ, коронавирус дьаҥа сытыырхайбытынан сибээстээн, Ил Дархан Айсен Николаев дьаһалынан тохсунньу 27 күнүгэр арыллыбыта. Кииҥҥэ өрөспүүбүлүкэ медицинскай тэрилтэлэриттэн 175 медик үлэлээтэ. 
«Саамай уустук бастакы үлэ күнэ этэ. Барытыгар бэлэм этибит даҕаны бачча элбэх киһи кэлиэ дии санаабатахпыт. Ол эрэн суһаллык  дьаһанан, кэнники күннэргэ үлэни штатнай эрэсиимҥэ киллэрбиппит», — диир киин салайааччыта Алена Никитина.
Бастакы уон хонук иһигэр амбулатория киинигэр  ортотунан 1200-1500 киһи сылдьыбыт. Хас биирдии быраас үлэлиир күнүгэр 70-тан тахса ыарыһаҕы көрбүт. 16318  киһиттэн 5594-дэ ОРВИ-нан ыалдьыбыт сибикилээх көрдөрүммүт, 5479 – ковидтаах, 4321 – ОРВИ сибикитэ суох дьон. Итинтэн 15 киһитин стационарга ыыппыттар. 
«Ыалдьыбыттарга толору медицинскэй көмө оҥоһулунна. Коронавируһунан ыалдьыбыттара бигэргэтиллибит дьоҥҥо тута эмптэрэ бэрилиннэ. Үтүөрүөхтэригэр диэри кэтээн көрүүгэ сырыттылар, эмтэммиттэрэ онус күнүгэр ПЦР туттара ыҥырылыннылар. Туруктара мөлтөөбүт түгэнигэр ыарыһаҕы КТ ыыттылар, сорохтору балыыһаҕа киллэрдилэр», — диэтэ Алена Никитина.
Итини сэргэ кииҥҥэ электроннай больничнайдар арылыннылар. Итилэри олунньу 6 күнүн кэнниттэн дистанционнай көрүҥүнэн саптылар. 
Хас биирдии түһүмэххэ администратордар кэлбит дьону сөптөөхтүк салайдылар, электроннай уочарат терминаллара үлэлээтилэр. 
Олунньу 19 күнүгэр, ыалдьыбыт дьон аҕыйаабытынан сибээстээн, киин үлэтэ тохтотулунна. 
«Киини тэрийии өрөспүүбүлүкэ баһылыга Айсен Николаев саамай сөптөөх, кэмигэр оҥоһуллубут быһаарыыта буолар. Ити ыарыы эмискэ үрдээбит кэмигэр медицинскай көмөнү оҥоруу саҥа көрүҥэ буолар. Кылгас кэм иһигэр киини арыйыы өрөспүүбүлүкэ медицинскай тэрилтэлэрин үлэһиттэрин суһаллык хомуйа тутан сатанна, кинилэргэ уонна тэрилтэ кылаабынай быраастарыгар махталбытын тиэрдэбит», — диэн бэлиэтээтэ доруобуйа харыстабылын миниистирэ Лена Афанасьева.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...