«АЛРОСА» ХИФУ устудьуоннарыгар Аһаҕас аан күнүн ыытыаҕа

Сэтинньи 23 күнүгэр «АЛРОСА» хампаанньа Хотугулуу-Илиҥҥи Федеральнай университет устудьуоннарыгар Аһаҕас аан күнүн ыытыаҕа.

«АЛРОСА» бэрэстэбиитэллэрэ хампаанньа үлэтин-хамнаһын, устуоруйатын, оҥорон таһаарыытын, карьернай үрдээһини, быраактыканы ааһыы туһатын туһунан кэпсиэхтэрэ.

Аһаҕас аан чэрчитинэн, ХИФУ устудьуоннара хампаанньа структурнай салааларын уонна уопсастыбаларын салайааччыларын, бэрэстэбиитэллэрин кытта билсиэхтэрэ, эдэр уонна HR-исписэлиистэри кытта алтыһыахтара, стажировканы ааһар уонна үлэҕэ киирэр курдук анкеталары толоруохтара.

Көрсүһүү кыттааччыларын хампаанньа идэлэригэр уонна  географиятыгар анаммыт тиэмэлэрдээх зоналар, интеллектуальнай оонньуу, бириистэр, бэлэхтэр уо.д.а күүтэллэр.

Аһаҕас аан күнүгэр кыттарга сэтинньи 17 күнүгэр диэри сигэнэн киирэн регистрацияны ааһыллыахтаах: https://lk.case-in.ru/accounts/login/?next=/registration/2023/Alrosa.