06.05.2022 | 18:00

«Александр Самсонов – Улуу Кыайыы ырыаһыта»

«Александр Самсонов – Улуу Кыайыы ырыаһыта»
Ааптар: Киин Куорат

Ыам ыйын 12 күнүгэр 15.00 чаастан, Саха сирин норуоттарын муусукатын уонна фольклорун музейыгар, Улуу Кыайыы күнүгэр анаммыт «Александр Самсонов – Улуу Кыайыы ырыаһыта»  быыстапка аһыллыыта буолар. Үөрүүлээх тэрээһиҥҥэ РФ үтүөлээх артыыһа, Саха АССР норуодунай артыыһа, Дьокуускай куорат Бочуоттаах гражданина Александр Парфеньевич Самсонов бэйэтэ кыттар. Дьоро киэһэни «Туймаада» Судаарыстыбаннай вокальнай ансаамбыл солистара, П.Н. уонна Н.Е. Самсоновтар ааттарынан Хатас орто оскуолатын уонна Марха 2-с №-дээх орто оскуолатын үөрэнээччилэрэ киэргэтиэхтэрэ. 
Өр сыл усталарыгар Александр Парфеньевич аата бу сааскы улуу бырааһынньыгы кытта сибээстээх. Саха норуота кинини «Улуу Кыайыы ырыаһытынан» ааттаабыта, сүгүрүйээччилэрэ байыаннай ырыаларын репертуарын  олус сөбүлээбиттэрэ. 20 тахса сылы быһа Александр Самсонов киин куорат Кыайыы болуоссатыгар «Маай вальстара» кэнсиэр бырагыраамалаах тахсара.


Бэйэтин көҕүлээһининэн, 2000 сылтан саҕалаан, А.П. Самсонов нэһилиэнньэни, чуолаан ыччаты патриотическай иитиигэ үлэтин саҕалаабыта. Кини Саха сирин бары улуустарыгар сылдьан бэтэрээннэргэ, устудьуоннарга уонна үөрэнээччилэргэ иккилии чаастаах кэнсиэртэри бэлэхтиирэ, кылаас чаастарга сылдьан бэйэтин олоҕун, сэрии сылларын ыарахан кэмнэрин, норуот хайдах тулуйбутун уонна кыайбытын, Ийэ дойдуга таптал туһунан кэпсиирэ. 
Быыстапкаҕа Александр Парфеньевич тус маллара уонна музей пуондатын экспонаттара бааллар: архыып хаартыскалара, Улуу Кыайыы 55, 60, 65, 70 сылларыгар анаан артыыс бэйэтин илиитинэн оҥорбут альбомнара, А.П. Самсонов ааптар уонна эрэдээктэр быһыытынан үлэлэһэн таһаарбыт кинигэлэрэ уонна ырыанньыктара, граммофон пластинкалара, Дьокуускайдааҕы опера уонна балет драматическай тыйаатырын солиһын ырыаларын суруйбут дискэлэрэ, кэнсиэртэр афишалара  уо.д.а. 
Хомойуох иһин, Александр Парфеньевич Самсонов айар үлэтин түмүктээн бочуоттаах сынньалаҥҥа олорор. Ол эрэн, кини сүгүрүйээччилэрэ быыстапкаҕа кэлэн, тапталлаах ырыаһыттарын айар үлэтин туонатыгар киирэр кыахтаналлар. 
Быыстапкаҕа кэлээччилэргэ Александр Парфеньевич бэлэх бэлэмнээтэ – өскөтүн эһиги араас тэрээһиннэр, улуустарга гастроллар хаартыскаларыгар бэйэҕитин буллаххытына, ити хаартысканы ылыаххытын сөп. 
Быыстапка ыам ыйын 7 – 28 күннэригэр үлэлиир.
Буолар сирэ: Саха сирин норуоттарын муусукатын уонна фольклорун музейа. 
Аадырыһа: Киров уул., 31, 3 этээс.
Билсэр төлөпүөн нүөмэрдэрэ: 35-38-84, 8961-868-46-64

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...