Альберт Семенов Москва куорат Дууматын Бэрэссэдээтэлин кытта көрүстэ
![Альберт Семенов Москва куорат Дууматын Бэрэссэдээтэлин кытта көрүстэ](https://kiinkuorat.ru/wp-content/uploads/2022/08/Smal2W6JYQ.jpg)
Көрсүһүүгэ бэрэстэбиитэллээх уорганнар салайааччылара бииргэ үлэлээһин боппуруостарын дьүүллэстилэр.
Алексей Шапошников Москва куорат Дууматын дьокутааттарын ааттарыттан Дьокуускай куорат 390 уонна Дьокуускай куораттааҕы Дуума 200 сылларынан эҕэрдэлээтэ.
«Аныгы Дьокуускай — балысханнык сайдар, тэтимнээхтик улаатар куорат, итиннэ бүтүн национальнай таһымнаах соруктар быһаарыллаллар, Хотугу норуоттар үгэстэрэ, култууралара оннунан хааларыгар үлэ барар. Дьокуускай ыалдьыттара олохтоохтор аламаҕайдарын, эйэҕэстэрин уонна ыалдьытымсахтарын бэлиэтииллэр», — диэтэ Москва куорат Дууматын Бэрэссэдээтэлэ Алексей Шапошников.
Көрсүһүү кэмигэр өрүттэр бииргэ үлэлээһин туһунан сөбүлэҥи түһэрсэр быһаарыыны ылыннылар.
«Икки өттүттэн сибээһи сайыннарар уонна бөҕөргөтөр, социальнай-экономическэй сайдыы эйгэтигэр уопут атастаһар сыаллаах сөбүлэҥ куораттарбыт уонна дойдубут олохтоох бэйэни салайыныылара сайдарыгар күүспүтүн сомоҕолооһунунан буолуоҕа», — диэн түмүктээтэ Дьокуускай куораттааҕы Дуума Бэрэссэдээтэлэ Альберт Семенов.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)