16.08.2022 | 18:00

Альберт Семенов Бэйэни салайыныы сэбиэтин саҥа састаабыгар киирдэ

Арассыыйа Бэрэсидьиэнэ Владимир Путин Бэйэни салайыныыны сайыннарар сэбиэт саҥа састаабын уонна президиумун бигэргэттэ. Бу туһунан Дьокуускай куораттааҕы Дуума пресс-сулууспата иһитиннэрдэ.
Альберт Семенов Бэйэни салайыныы сэбиэтин саҥа састаабыгар киирдэ
Ааптар: Киин Куорат

Бэрэсидьиэн 2022 сыл атырдьах ыйын 11 күнүнээҕи 538 №-дээх Ыйааҕар олоҕуран, сэбиэт муниципальнай чааһыгар  Дьокуускай куораттааҕы Дуума Бэрэссэдээтэлэ Альберт Семенов киирдэ.

Сэбиэт Бэрэссэдээтэлинэн Владимир Путин, президиум Бэрэссэдээтэлинэн премьер-миниистир Михаил Мишустин буоллулар.

Сэбиэт федеральнай чааһыгар Бэрэсидьиэн дьаһалтатын баһылыга Антон Вайно, вице-премьер Марат Хуснуллин, Бэрэсидьиэн дьаһалтатын баһылыгын бастакы солбуйааччы Сергей Кириенко, эконономическай сайдыы, үп, тутуу уонна ОДьКХ, юстиция миниистирдэрэ, Федерация Сэбиэтин уонна Судаарыстыбаннай Дуума бэрэстэбиитэллэрэ киирдилэр.

Санатар буоллахха, Дьокуускай куораттааҕы Дуума Бэрэссэдээтэлэ Альберт Семенов РФ Бэрэсидьиэнин Олохтоох салайыныы сайдыытын сэбиэтигэр 2019 сыллаахха киирбитэ.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.