АГИКИ устудьуона норуоттар икки ардыларынааҕы күрэх кыайыылааҕынан буолла
АГИКИ информатикаҕа кафедратын устудьуона Фаридун Хотамов Москваҕа ыытыллыбыт «Норуот дипломатиятын лиидэрэ» норуоттар икки ардыларынааҕы иккис күрэх бастакы степеннээх лауреата буолла диэн үөрэх кыһатын пресс-сулууспата иһитиннэрдэ.
«Кыайыы миэхэ олус соһуччу түгэнинэн буолла, ол эрэн наһаа үөрдүм. Миигин өйөөбүт дьоҥҥо барыларыгар махталбын тиэрдэбин. Саҥа, кэрэхсэбиллээх дьону кытта билсибиппиттэн үөрэбин, кинилэр бырайыактара, идиэйэлэрэ үтүөнү уонна туһаны эрэ аҕалаллар», – диэтэ устудьуон.
Наҕараадалааһын Екатерининскай форум кэмигэр ыытылынна. Тэрээһин чэрчитинэн устудьуон кыттааччыларга «Кулаковскайы араас тылынан ааҕабыт» бырайыак туһунан кэпсээтэ. Кини саха литературатын төрүттээччи айымньытыттан быһа тардыыны үс тылынан – нууччалыы, таджиктыы уонна сахалыы ааҕан иһитиннэрдэ.
Сонуннар
Ордук ааҕаллар
