АГИКИ креативнай индустрия каадырдарын бэлэмниэҕэ
«Билигин институппут «Приоритет 2030. Уһук Илин» бырагыраама чэрчитинэн уларыйыыны барар. Бырагыраама университеттар холбоһуктарын – саҥа научнай билиилэри, технологиялары Арассыыйа эконмикатыгар уонна социальнай эйгэтигэр киллэриигэ лидердэрин таһаарыыга туһуланар», - диэн бэлиэтиир АГИКИ ректора Саргылана Игнатьева.
Бүгүҥҥү күҥҥэ институт былааныгар үөрэххэ креативнай индустрия эйгэтин дэҥҥэ көстөр бырагыраамаларын киллэрии буолар. Ректор бэлиэтээбитинэн, саҥа үөрэҕирии бырагырааматын оҥорууга, регион ырыынагын наадыйыыта учуоттанар.
«Үөрэхпит кыһатын уонна индустриальнай партнердарбыт иннигэр креативнай экономикаҕа, социальнай эйгэ сайдыытын технологическай хааччыйыытыгар саҥа каадырдары үүннэрэн таһаарар улахан эппиэтинэс турар. Ити соруктар федеральнай уонна регионнааҕы былаас, өрөспүүбүлүкэбит уонна Уһук Илин атын регионнарын олохтоохторун өйөбүллэринэн толоруллар кыахтаахтар», - диэтэ Саргылана Игнатьева.
Сонуннар
Ордук ааҕаллар
