24.05.2021 | 19:14

Аэропорка улахан өрөмүөн саҕаланна

Дьокуускай куорат аэропордугар бүгүҥҥүттэн сөмөлүөт көтөр-түһэр балаһатын саҥалыы уларытан оҥоруу саҕаланна. Ол туһунан аэропорт пресс-сулууспата иһитиннэрдэ. 625 м усталаах балаһа алтынньы ыйга диэри сабыллан турара былааннанар.
Аэропорка улахан өрөмүөн саҕаланна
Ааптар: Киин Куорат

«Ыам ыйын 24 күнүттэн 625 м усталаах балаһа тутар-таҥар үлэҕэ сабылынна. Аэропорт үлэтин штатнай эрэсииминэн 1628 м балаһаҕа салгыыр. Саҥалыы уларытан оҥоруу үлэтэ бу сыл алтынньы ыйыгар диэри бүтэрэ былааннанар», — дииллэр пресс-сулууспаҕа.

«Якутия», «Алроса», S7, «ИрАэро» уонна «Уральские авиалинии» авиахампаанньалар бэйэлэрин үлэлэрин салгыыллар. Өрөспүүбүлүкэ иһигэр көтөр рейстэргэ балаһа өрөмүөнэ мэһэйдээбэтэ бэлиэтэнэр.

«Ыытыллар үлэ аэропорт тарифтарыгар, араас оҥоһуллар өҥөҕө сабыдыаллаабат. Дьокуускай аэропорда барыахтаах таһаҕаһы  ыытарга бэлэмниир, оттон салгыы айанныырыгар илдьэр авиахампаанньалар тарифтарын киилэнэн суоттаан бэйэлэрэ оҥороллор», — диэн иһитиннэриигэ этиллэр.

2021 сыл алтынньы ыйыттан, өрөмүөн бүттэ даҕаны, 3400 м балаһаны толору үлэлэтэллэр.

Саха сирин Тырааныспарга министиэристибэтин пресс-сулууспата иһитиннэрбитинэн, ыам ыйыттан балаҕан ыйыгар диэри «Якутия» уонна «Алроса» авиахампаанньалар Москваҕа, Санкт-Петербурга уонна Новосибирскайга 6 Boeing 737-700 сөмөлүөттэринэн 185 тыһыынча киһини илдьэр былааннаахтар.

«Сибирь» авиахампаанньа Embraer-170 Дьокуускай — Новосибирскай — Дьокуускай маршрутунан сууккаҕа үстүү сырыыны оҥорор былааннаах.  «Якутия» уонна «ИрАэро» хампаанньалар атын регионнарга – Красноярскайга, Иркутскайга, Хабаровскайга уонна Владивостокка көтүөхтэрэ.

«Алроса» авиахампаанньа ыам ыйын 17 күнүттэн саҕалаан Дьокуускайтан Москваҕа Мирнэй куоракка тохтобуллаах көтүөҕэ.

Дьокуускай аэропордун уопсай саҥардыллыыта 2023 сылга түмүктэнэрэ былааннанар.  2019-2022 сылларга федеральнай бүддьүөттэн 4,2 миллиард солкуобай көрүллүбүт. Балаһа өрөмүөнэ  2018 сыллаахха саҕаламмыт.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.